മുരിയാട് പഞ്ചായത്ത് ഓഫീസിൽ സൗരോർജ്ജ സംവിധാനമൊരുങ്ങി

ഇരിങ്ങാലക്കുട : മുരിയാട് പഞ്ചായത്തിൻ്റെ മൂന്നാം നൂറുദിന കർമ്മ പരിപാടിയുടെ ഭാഗമായി പഞ്ചായത്ത് ഓഫീസിൽ സോളാർ പവർ സംവിധാനം നിലവിൽ വന്നു.

7 കിലോവാട്ട് വൈദ്യുതി ഉത്പാദിപ്പിക്കാൻ കഴിയാവുന്ന സോളാർ സംവിധാനമാണ് സ്ഥാപിച്ചത്.

ഏകദേശം 6.5 ലക്ഷം രൂപയോളം ചെലവ് വരുന്ന പദ്ധതിയാണിത്.

പഞ്ചായത്ത് ഓഫീസിൽ സ്ഥാപിച്ചിട്ടുള്ള സോളാർ സംവിധാനം പഞ്ചായത്ത് പ്രസിഡന്റ് ജോസ് ജെ ചിറ്റിലപ്പിള്ളി ഉദ്ഘാടനം ചെയ്തു.

വൈസ് പ്രസിഡന്റ് രതി ഗോപി അധ്യക്ഷത വഹിച്ചു.

സ്റ്റാൻ്റിംഗ് കമ്മിറ്റി ചെയർമാന്മാരായ സരിത സുരേഷ്, കെ യു വിജയൻ, ഭരണ സമിതി അംഗങ്ങളായ തോമസ് തൊകലത്ത്, എ എസ് സുനിൽകുമാർ, നിജി വത്സൻ, കെ വൃന്ദകുമാരി, ശ്രീജിത്ത് പട്ടത്ത്, ജിനി സതീശൻ, നിഖിത അനൂപ്, സേവ്യർ ആളൂക്കാരൻ, മനീഷ മനീഷ്, മണി സജയൻ, റോസ്മി ജയേഷ്, നിത അർജ്ജുനൻ, തുടങ്ങിയവർ പ്രസംഗിച്ചു.

പഞ്ചായത്ത് സെക്രട്ടറി കെ പി ജസീന്ത സ്വാഗതവും, അസിസ്റ്റന്റ് സെക്രട്ടറി പി ബി ജോഷി നന്ദിയും പറഞ്ഞു.

Leave a Reply

Your email address will not be published. Required fields are marked *