ഇരിങ്ങാലക്കുട : പടിയൂർ പഞ്ചായത്തിലെ മഴുവഞ്ചേരി തുരുത്തിലെ കുടിവെള്ളക്ഷാമം പരിഹരിക്കുന്നതിൽ വാട്ടർ അതോറിറ്റി ഉദ്യോഗസ്ഥർ ജാഗ്രത പാലിക്കണമെന്നും അടിയന്തിരമായി വിഷയം പരിഹരിക്കണമെന്നും സി.പി.ഐ. പടിയൂർ സൗത്ത് ലോക്കൽ സമ്മേളനം ഔദ്യോഗിക പ്രമേയം വഴി ആവശ്യപ്പെട്ടു.
സി.പി.ഐ. പടിയൂർ സൗത്ത് ലോക്കൽ സമ്മേളനം ജില്ലാ അസി. സെക്രട്ടറി ടി.ആർ. രമേഷ്കുമാർ ഉദ്ഘാടനം ചെയ്തു.
സി.പി.ഐ. ജില്ലാ എക്സിക്യൂട്ടീവ് അംഗങ്ങളായ ടി.കെ. സുധീഷ്, കെ.എസ്. ജയ, മുതിർന്ന നേതാവ് കെ. ശ്രീകുമാർ, മണ്ഡലം സെക്രട്ടറി പി. മണി, മണ്ഡലം അസി. സെക്രട്ടറി എൻ.കെ. ഉദയപ്രകാശ്, ജില്ലാ കമ്മിറ്റി അംഗം അനിത രാധാകൃഷ്ണൻ, മണ്ഡലം കമ്മിറ്റി അംഗങ്ങളായ കെ.വി. രാമകൃഷ്ണൻ, ബാബു ചിങ്ങാരത്ത് എന്നിവർ പ്രസംഗിച്ചു.
ടി.വി. വിബിൻ സ്വാഗതവും കെ.എ. ഗ്രീനോൾ നന്ദിയും പറഞ്ഞു.
ഇ.കെ. മണി, കെ.എ സുധീർ, കെ.എ. ഗ്രീനോൾ, മിഥുൻ പോട്ടക്കാരൻ, ടി.സി. സുരേഷ്, പി.യു. ദയേഷ് എന്നിവർ സമ്മേളനത്തെ നിയന്ത്രിച്ചു.
പാർട്ടിയുടെ മുതിർന്ന നേതാവ് സുഗതൻ കൂവേലി പതാക ഉയർത്തി. പ്രിയ അജയ്കുമാർ രക്തസാക്ഷി പ്രമേയവും മിഥുൻ പോട്ടക്കാരൻ അനുശോചന പ്രമേയവും അവതരിപ്പിച്ചു.
സെക്രട്ടറിയായി ടി.വി. വിബിനെയും അസി. സെക്രട്ടറിയായി കെ.എ. ഗ്രീനോളിനെയും തെരഞ്ഞെടുത്തു.
Leave a Reply