ഇരിങ്ങാലക്കുട : നഗരസഭ 39-ാം വാർഡ് കൗൺസിലർ ഷാജുട്ടൻ്റെ വ്യത്യസ്തമായ വാട്ട്സ്അപ്പ് പോസ്റ്റാണ് നാട്ടിൽ ഇപ്പോഴത്തെ ചർച്ചാ വിഷയം.
“39-ാം വാർഡിൽ വന്ന് ലഹരിക്കച്ചവടം, ലഹരി ഉപയോഗം എന്നിവ നടത്തുന്ന യുവാക്കൾ ഈ പരിപാടി ഇന്നു മുതൽ അവസാനിപ്പിക്കണം. അല്ലെങ്കിൽ പണി വരും” – ഇതാണ് ഷാജുട്ടൻ്റെ വാട്ട്സ്അപ്പ് പോസ്റ്റ്.
നാട്ടിലെ യുവാക്കൾക്കിടയിൽ ലഹരി ഉപയോഗം ക്രമാതീതമായി വർദ്ധിച്ചു വരുന്ന സാഹചര്യത്തിൽ കേരളത്തിൽ ഒരുപക്ഷേ ആദ്യമായായിരിക്കും ഒരു വാർഡ് മെമ്പർ ഇത്തരത്തിൽ ലഹരിക്കെതിരെ ഭീഷണി മുഴക്കുന്നത്.
പൊറത്തിശ്ശേരി കല്ലട ഭഗവതി ക്ഷേത്രത്തിന് പുറകു വശത്തും തൊട്ടടുത്ത പാടശേഖരങ്ങളിലുമായി നിരവധി യുവാക്കളാണ് ലഹരി ഉപയോഗത്തിനും കച്ചവടത്തിനുമായി എത്തുന്നതെന്ന് ഷാജുട്ടൻ പറഞ്ഞു. ഇവർക്കുള്ള മുന്നറിയിപ്പാണ് തൻ്റെ വാട്ട്സ്അപ്പ് പോസ്റ്റെന്നും ഷാജുട്ടൻ വ്യക്തമാക്കി.
Leave a Reply