ഇരിങ്ങാലക്കുട : ഊരകത്തമ്മ തിരുവടി ക്ഷേത്രത്തിലെ തുലാമാസത്തിലെ വാവാറാട്ട് 21ന് നടക്കും.
രാവിലെ 8.30ന് ക്ഷേത്രത്തിൽ നിന്നും ഒരാനയുടെ അകമ്പടിയിൽ വാദ്യ മേളങ്ങളോടെ കിഴക്കേ ഗോപുരം വഴി പുറത്തേക്ക് എഴുന്നള്ളുമ്പോൾ ക്ഷേത്രം അടിയന്തിര മാരാർ 9 പ്രാവശ്യം ശംഖ് വിളിക്കും. തുടർന്ന് ചെറുശ്ശേരി പണ്ടാരത്തിൽ കുട്ടൻമാരാരുടെ പഞ്ചാരി മേളത്തിൻ്റെ അകമ്പടിയോടെ മൈമ്പിള്ളി ക്ഷേത്രക്കുളത്തിലേക്ക് ആറാട്ടിനായി എഴുന്നള്ളും.
കിഴക്ക് മെയിൻ റോഡിന് സമീപം മേളം അവസാനിക്കുന്നതോടെ 9 തവണ ശംഖ് വിളിച്ച്, കൊട്ടി വെച്ച്, പാണ്ടിവാദ്യത്തിൻ്റെ അകമ്പടിയോടെ ഭഗവതിയെ ക്ഷേത്രക്കുളത്തിൽ ഇറക്കി തന്ത്രി പൂജയ്ക്ക് ശേഷം ഭഗവതിയുടെ ആറാട്ട് നടക്കും.
ആറാട്ടിന് ശേഷം മൈമ്പിള്ളി ക്ഷേത്രത്തിൽ ഇറക്കി പൂജ നടത്തി തിരിച്ച് പാണ്ടി വാദ്യത്തിൻ്റെ അകമ്പടിയോടെ കിഴക്കേ ഗോപുരം വഴി ഊരകത്തമ്മ തിരുവടി ക്ഷേത്രത്തിലേക്ക് തിരിച്ച് എഴുന്നള്ളും.
Leave a Reply