ഇരിങ്ങാലക്കുട : ഇരിങ്ങാലക്കുട നിയോജക മണ്ഡലത്തിലെ വോട്ടർപട്ടിക തീവ്ര പരിഷ്കരണത്തിന് തുടക്കമായി.
ഇലക്ടറൽ രജിസ്ട്രേഷൻ ഓഫീസറായ ഇരിങ്ങാലക്കുട റവന്യു ഡിവിഷണൽ ഓഫീസർ ഷിബു പോൾ പ്രശസ്ത കഥകളി കലാകാരൻ സദനം കൃഷ്ണൻകുട്ടിയുടെ വീട്ടിലെത്തി അദ്ദേഹത്തിന് എന്യുമറേഷൻ ഫോറം കൈമാറിയാണ് നിയോജകമണ്ഡലത്തിലെ വോട്ടർ പട്ടിക തീവ്ര പരിഷ്കരണത്തിന് തുടക്കം കുറിച്ചത്.
ഇലക്ഷൻ ഡെപ്യൂട്ടി തഹസിൽദാർ കെ.ആർ. രേഖ, ഇലക്ഷൻ ക്ലർക്ക് ആതിര, ടെക്നിക്കൽ അസിസ്റ്റൻ്റ് ലിൻസി, മനവലശ്ശേരി വില്ലേജ് ഓഫീസർ കെ.എസ്. ബിന്ദു എന്നിവർ സന്നിഹിതരായിരുന്നു.
ആർ.ഡി. ഒ. സദനം കൃഷ്ണൻകുട്ടിക്കും വീട്ടുകാർക്കും തീവ്ര പരിഷ്കരണത്തിൻ്റെ ആവശ്യകതയും ഇതുമായി ബന്ധപ്പെട്ട മറ്റു കാര്യങ്ങളും വിശദമായി പറഞ്ഞു കൊടുക്കുകയും അദ്ദേഹത്തിൻ്റെ സംശയങ്ങൾക്ക് മറുപടി പറയുകയും ചെയ്തു.
Leave a Reply