ഇരിങ്ങാലക്കുട : ടൗൺ അമ്പ് ഫെസ്റ്റിനോടനുബന്ധിച്ച് നടന്ന മതസൗഹാർദ സമ്മേളനം ഇരിങ്ങാലക്കുട രൂപത വികാരി ജനറാൾ മോൺ. ജോസ് മാളിയേക്കൽ ഉദ്ഘാടനം ചെയ്തു.
അമ്പ് ഫെസ്റ്റ് പ്രസിഡന്റ് റെജി മാളക്കാരൻ അധ്യക്ഷത വഹിച്ചു.
ഇമാം ഷാനവാസ് അൽ ഖാസിം, ദേവസ്വം ചെയർമാൻ അഡ്വ. സി.കെ. ഗോപി, നഗരസഭ ചെയർപേഴ്സൺ മേരിക്കുട്ടി ജോയ്, വാർഡ് കൗൺസിലർ ഫെനി എബിൻ, വ്യാപാരി വ്യവസായി ഏകോപനസമിതി പ്രസിഡന്റ് ഷാജു പാറേക്കാടൻ, ജനറൽ കൺവീനർ ജിക്സൺ മങ്കിടിയാൻ, സെക്രട്ടറി ബെന്നി വിൻസെന്റ്, ട്രഷറർ വിൻസൻ കോമ്പാറക്കാരൻ, പ്രോഗ്രാം കൺവീനർ ടെൽസൺ കോട്ടോളി, പബ്ലിസിറ്റി കൺവീനർ അഡ്വ. ഹോബി ജോളി, ദീപാലങ്കാര കൺവീനർ ഡയസ് ജോസഫ്, ജോയിൻ്റ് കൺവീനർമാരായ ഡേവിസ് ചക്കാലക്കൽ, ജോബി അക്കരക്കാരൻ, ജോജോ പള്ളൻ, റപ്പായി മാടാനി, പോളി കോട്ടോളി, ബെന്നി ചക്കാലക്കൽ, ബെന്നി കോട്ടോളി, അലിബായ്, സാബു കൂനൻ, ജോയ് ചെറയാലത്ത്, ജോജോ കൂനൻ എന്നിവർ പ്രസംഗിച്ചു.
ജീവകാരുണ്യ ആരോഗ്യ മേഖലകളിലെ ശ്രദ്ധേയമായ പ്രവർത്തനങ്ങളെ ആസ്പദമാക്കി ഡോ. ജോസ് തൊഴുത്തുംപറമ്പിലിനെ ആദരിച്ചു.
കേരളത്തിലെ അരി വ്യാപാര രംഗത്തെ പ്രമുഖൻ പവിഴം ജോർജിനെയും ചന്തയിലെ സീനിയർ വ്യാപാരിയായ തെക്കേത്തല റപ്പായിയേയും ആദരിച്ചു.
ലോഗോ മത്സരത്തിൽ ഒന്നാം സ്ഥാനം നേടിയ ഷാബു ഹംസയ്ക്ക് ക്യാഷ് അവാർഡ് നൽകി.
ചടങ്ങിൽ വൈദ്യ ചികിത്സ ധനസഹായ വിതരണവും നടന്നു. തുടർന്ന് തിരുവനന്തപുരം ഡിജിറ്റൽ വോയ്സിന്റെ ഓർക്കസ്ട്ര ഗാനമേള അരങ്ങേറി.
Leave a Reply