അവുണ്ടർചാൽ പാലം യാഥാർത്ഥ്യമാക്കണം : സി പി ഐ

ഇരിങ്ങാലക്കുട : പടിയൂർ – ഇരിങ്ങാലക്കുട ഭാഗങ്ങളെ ബന്ധിപ്പിക്കുന്ന അവുണ്ടർചാലിൽ പാലം നിർമ്മിക്കുന്നതിന് സർക്കാർ തയ്യാറാകണമെന്ന് സി പി ഐ പത്തനങ്ങാടി ബ്രാഞ്ച് സമ്മേളനം പ്രമേയത്തിലൂടെ ആവശ്യപ്പെട്ടു.

പൂമംഗലം – പടിയൂർ ഗ്രാമപഞ്ചായത്തുകൾ പാലം പണിയുമായി ബന്ധപ്പെട്ട് മണ്ണ് പരിശോധനകൾ പൂർത്തീകരിക്കുകയും സംസ്ഥാന ബഡ്ജറ്റിൽ പാലം നിർമ്മിക്കുന്നതിനായി ടോക്കൺ മണി വകയിരുത്തുകയും ചെയ്തെങ്കിലും പിന്നീട് ഇതിൽ യാതൊരുവിധ പുരോഗതിയും ഉണ്ടായിട്ടില്ല എന്നും ബ്രാഞ്ച് സമ്മേളനം വിലയിരുത്തി.

സി പി ഐ പടിയൂർ ലോക്കൽ കമ്മിറ്റിയിലെ പത്തനങ്ങാടി ബ്രാഞ്ച് സമ്മേളനം മണ്ഡലം സെക്രട്ടേറിയറ്റ് അംഗം എം ബി ലത്തീഫ് ഉദ്ഘാടനം ചെയ്തു.

സി പി ഐ ബ്രാഞ്ച് അസിസ്റ്റന്റ് സെക്രട്ടറി വനജ വിജയൻ അധ്യക്ഷത വഹിച്ചു.

മണ്ഡലം സെക്രട്ടറിയേറ്റ് അംഗം കെ സി ബിജു, മണ്ഡലം കമ്മിറ്റി അംഗം ടി വി വിബിൻ, ലോക്കൽ അസിസ്റ്റന്റ് സെക്രട്ടറി കെ എ സുധീർ എന്നിവർ പ്രസംഗിച്ചു.

മിഥുൻ പോട്ടക്കാരൻ സ്വാഗതവും പ്രിയ അജയ്കുമാർ നന്ദിയും പറഞ്ഞു.

ബ്രാഞ്ച് സെക്രട്ടറിയായി എ ബി ഫിറോസിനെയും അസിസ്റ്റന്റ് സെക്രട്ടറിയായി വി ആർ അഭിജിത്തിനെയും തിരഞ്ഞെടുത്തു.

Leave a Reply

Your email address will not be published. Required fields are marked *