ഇരിങ്ങാലക്കുട : സ്വാതന്ത്ര്യദിനത്തിൽ പുല്ലൂർ എസ്.എൻ.എസ്.
സമാജത്തിന്റെ ആഭിമുഖ്യത്തിൽ വിദ്യാഭ്യാസ അവാർഡ് വിതരണവും പുസ്തക വിതരണവും നടത്തി.
വൈസ് പ്രസിഡന്റ് അഡ്വ. നളൻ തുമ്പരത്തി അധ്യക്ഷത വഹിച്ചു.
വിശിഷ്ടാതിഥികളായി വാർഡ് മെമ്പർ സേവ്യർ ആളൂക്കാരൻ, അഡ്വ. ലിജി മനോജ് എന്നിവർ പങ്കെടുത്തു.
എസ്.എസ്.എൽ.സി./ ഐ.സി.എസ്.ഇ., പ്ലസ്ടു & ഡിപ്ലോമ പരീക്ഷകളിൽ ഉന്നതവിജയം നേടിയ വിദ്യാർഥികളെ ക്യാഷ് അവാർഡും മൊമെന്റോയും നൽകി അനുമോദിച്ചു.
സീനിയർ വുമൺ ഫുട്ബോൾ ടീമിന്റെ ക്യാപ്റ്റനായി തെരഞ്ഞെടുത്ത ശ്രീനന്ദനയേയും പ്രത്യേകം അനുമോദിച്ചു.
സമാജം സെക്രട്ടറി രജിത് ചെട്ടിയാംപറമ്പിൽ സ്വാഗതവും ജോയിൻ്റ് സെക്രട്ടറി സീമന്തിനി സഹദേവൻ നന്ദിയും പറഞ്ഞു.
