IRINJALAKUDA TIMES
ഇരിങ്ങാലക്കുട : കൂടൽമാണിക്യം ക്ഷേത്രത്തിലെ ഉത്സവത്തോടനുബന്ധിച്ച് ഉണ്ടാകാറുള്ള അഭൂതപൂർവ്വമായ തിരക്കു പരിഗണിച്ച് കിഴക്കേ നടയിലെ ആനപ്പടി വീതി കൂട്ടുന്നതിൻ്റെ ദേവഹിതം അറിയുന്നതിന് പ്രശസ്ത ജ്യോതിഷി ജയദേവ പണിക്കർ ദേവജ്ഞനായി ജനുവരി 15 ബുധനാഴ്ച രാവിലെ 9 മണിക്ക് ഒറ്റരാശി താംബൂല പ്രശ്നം നടത്തുമെന്ന് അഡ്മിനിസ്ട്രേറ്റർ അറിയിച്ചു.
ഇരിങ്ങാലക്കുട : കൂടൽമാണിക്യം ക്ഷേത്രത്തിൽ 2025 ജനുവരി 6, 7, 8 തിയ്യതികളിൽ മരാമത്ത് പണികൾ നടക്കുന്നതിനാൽ 6 മണിക്ക് എതൃത്ത് പൂജയും 7.30ന് ഉച്ചപൂജയും കഴിച്ച് 9 മണിയോടു കൂടി ക്ഷേത്ര നട അടക്കുന്നതാണെന്ന് അഡ്മിനിസ്ട്രേറ്റർ അറിയിച്ചു.
വൈകീട്ട് ക്ഷേത്ര നട പുണ്യാഹത്തിന് ശേഷമായിരിക്കും തുറക്കുന്നത്.
ടി ദിവസം അന്നദാനം രാവിലെ 10 മണിക്ക് ആരംഭിക്കുന്നതായിരിക്കും.
അന്നേ ദിവസങ്ങളിൽ വഴിപാട് നടത്താനുള്ളവർ തലേ ദിവസം ബുക്ക് ചെയ്യേണ്ടതാണ്.
ഇരിങ്ങാലക്കുട : ശ്രീ കൂടൽമാണിക്യം ക്ഷേത്രത്തിലെ 2025 വർഷത്തെ തിരുവുത്സവം മെയ് 8 മുതൽ മെയ് 18 വരെ ആഘോഷിക്കും.
തിരുവുത്സവത്തോടനുബന്ധിച്ച് ദേശീയ സംഗീത നൃത്ത വാദ്യ കലാപരിപാടികൾ അവതരിപ്പിക്കുന്നതിന് ക്ഷേത്ര ആചാരാനുഷ്‌ഠാനങ്ങൾ താൽപര്യമുള്ള കലാകാരൻമാരിൽ നിന്നും അപേക്ഷകൾ ക്ഷണിക്കുന്നു.
വിശദ വിവരങ്ങളടങ്ങിയ അപേക്ഷകൾ 2025 ജനുവരി 28ന് 5 മണിക്ക് മുമ്പായി നേരിട്ടോ, ഇ-മെയിൽ വഴിയോ കൂടൽമാണിക്യം ദേവസം ഓഫീസിൽ സമർപ്പിക്കേണ്ടതാണെന്ന് അഡ്മിനിസ്ട്രേറ്റർ അറിയിച്ചു.
കൂടുതൽ വിവരങ്ങൾക്ക് ബന്ധപ്പെടേണ്ട നമ്പർ : 9497561204, 9539220511
ഇ – മെയിൽ -: contact@koodalmanikyam.com
ഇരിങ്ങാലക്കുട : ഗ്രാമസഭായോഗത്തിന്റെ നേതൃത്വത്തിൽ വർഷംതോറും നടത്തിവരാറുള്ള യജുർവ്വേദ ലക്ഷാർച്ചന ആരംഭിച്ചു.
രാവിലെ മണ്ഡപത്തിൽ കൂടപ്പുഴ പരമേശ്വരൻ നമ്പൂതിരി ‘ഇഷേത്വാ – ഊർജേത്വാ എന്ന ആദ്യ വാക്യം ചൊല്ലിക്കൊടുത്താണ് യജുർവ്വേദ ലക്ഷാർച്ചന ആരംഭിച്ചത്.
പന്തൽ വൈദികൻ ദാമോദരൻ നമ്പൂതിരി, ആമല്ലൂർ നാരായണൻ നമ്പൂതിരി, അണിമംഗലം സുബ്രഹ്മണ്യൻ നമ്പൂതിരി, കീഴാനല്ലൂർ യതീന്ദ്രൻ നമ്പൂതിരി, കുറ്റമ്പിള്ളി വാസുദേവൻ നമ്പൂതിരി, കാവനാട് വിഷ്ണു നമ്പൂതിരി, കോടി തലപ്പണം ശ്രീനാരായണൻ നമ്പൂതിരി കൂടാതെ കാമ കോടി യജുർവ്വേദ പാഠശാല വിദ്യാർത്ഥികൾ തുടങ്ങിയ വേദ പണ്ഡിതന്മാരാണ് യജുർവ്വേദ ലക്ഷാർച്ചനയിൽ പങ്കെടുക്കുന്നത്.
രാവിലെ 6 മുതൽ 11 വരെയും വൈകീട്ട് 5 മുതൽ 8 വരെയും ആണ് ലക്ഷാർച്ചന നടക്കുന്നത്.
എട്ടാം ദിവസമായ ഡിസംബർ 23 തിങ്കളാഴ്ച രാവിലെ യജുർവ്വേദ ലക്ഷാർച്ചന സമാപിക്കും.
വാതിൽ മാടത്തിൽ വെച്ച് നെടുമ്പിള്ളി തരണനല്ലൂർ ഗോവിന്ദൻ നമ്പൂതിരിപ്പാട്, മഠസി വാസുദേവൻ നമ്പൂതിരി എന്നിവരുടെ നേതൃത്വത്തിൽ സഹസ്രനാമ അർച്ചനയും ഇതോടൊപ്പം നടക്കുന്നുണ്ട്.
