IRINJALAKUDA TIMES
ഇരിങ്ങാലക്കുട : മുരിയാട് പാറെക്കാട്ടുകര സെൻ്റ് മേരീസ് ദൈവാലയത്തിലെ മതബോധന വിദ്യാർഥികൾക്കായുള്ള ഗ്രെയ്സ് ഫെസ്റ്റ് വികാരി ഫാ. ജോർജ്ജി തേലപ്പിള്ളി ഉദ്ഘാടനം ചെയ്തു.
മതബോധന പ്രധാനാദ്ധ്യാപകൻ സി.പി. ജോബി, പി.ടി.എ. പ്രസിഡൻ്റ് ജെസ്റ്റിൻ വെട്ടത്തുപറമ്പിൽ, കൈക്കാരൻ ഡൊമിനി കണ്ണമ്പിള്ളി, മദർ സിസ്റ്റർ റാണി ഗ്രേസ്, ജെൻസൻ കാവുങ്ങൽ എന്നിവർ പ്രസംഗിച്ചു.
ബ്രദർ ആൽബിൻ, ബ്രദർ ജോയൽ, സിസ്റ്റർ സോണിയ എന്നിവർ ക്ലാസുകൾ നയിച്ചു.
ഇരിങ്ങാലക്കുട : കേരള ആരോഗ്യ സർവകലാശാല നടത്തിയ ഒക്യുപേഷണൽ തെറാപ്പി ബിരുദ പരീക്ഷയിൽ രണ്ടാം റാങ്ക് നേടി അന്ന ജീസൻ.
സംസ്ഥാന സാമൂഹ്യനീതി വകുപ്പിന് കീഴിൽ കല്ലേറ്റുംകരയിൽ പ്രവർത്തിക്കുന്ന സ്വയംഭരണ സ്ഥാപനമായ നിപ്മറിലെ 2021 ബാച്ചിലെ ബാച്ചിലർ ഓഫ് ഒക്യുപേഷണൽ തെറാപ്പി കോഴ്സിലാണ് അന്ന ജീസൻ റാങ്ക് സ്വന്തമാക്കിയത്.
ഈ വർഷം ഇന്ത്യയിലെ ഒക്യുപേഷണൽ തെറാപ്പിയിൽ പരിശീലനം നൽകുന്ന 40 കോളെജുകളിൽ നിന്നുള്ള കുട്ടികൾക്കായി ഓൾ ഇന്ത്യ ഒക്യുപേഷണൽ തെറാപ്പിസ്റ്റ് അസോസിയേഷൻ ഒറീസയിലെ ഭൂവനേശ്വറിൽ വച്ച് നടത്തിയ “ഗോൾഡ് മെഡൽ ഫോർ ദ ബെസ്റ്റ് ഒക്യുപേഷണൽ തെറാപ്പി ഗ്രാജുവേറ്റ്” മത്സരത്തിൽ ഒന്നാം സ്ഥാനത്തെത്തി ഗോൾഡ് മെഡലും അന്ന സ്വന്തമാക്കിയിട്ടുണ്ട്.
ഇരിങ്ങാലക്കുട ക്രൈസ്റ്റ് കോളെജിന് സമീപം താമസിക്കുന്ന ചെറുവത്തൂർ വീട്ടിൽ ജീസൻ- ഡെൽറ്റി (ഊരകം കടലാശ്ശേരി സ്കൂളിലെ ഹെഡ്മിസ്ട്രസ്) ദമ്പതികളുടെ മകളാണ് അന്ന.
ഇരിങ്ങാലക്കുട : എടക്കുളം മായൻകാവിലെ മായാനുഗ്രഹ മഹോത്സവം മെയ് 3ന് ആഘോഷിക്കും.
പൂജാദികർമ്മവിധാനങ്ങൾക്ക് നിരവധി യാഗങ്ങൾക്ക് ആചാര്യനായുള്ള ബ്രഹ്മശ്രീ നീലകണ്ഠയോഗീശ്വരൻ സ്വാമികൾ നേതൃത്വം നൽകും.
ഉത്സവത്തോടനുബന്ധിച്ച് രാവിലത്തെ വിശേഷാൽ പൂജകൾക്ക് ശേഷം 10 മണിക്ക് മായനെ വരവേൽപ്പ്, കോമരങ്ങൾ വേഷവിധാനത്തോടെ മഹാരാജാവ് ആവുന്ന മായന്റെ വരവേൽപ്പ്, മേളം, 11.30ന് സ്വാമിപാദ പൂജ, 12ന് ടീം മായൻകളി അവതരിപ്പിക്കുന്ന വീരനാട്യകളി, 12.30ന് അന്നദാനം, 2 മണിക്ക് മായന്റെ കളം എഴുത്ത് പാട്ട് ആരംഭം, 3.30ന് പാട്ട്, കളം പൂജ, വൈകീട്ട് 6.30ന് താലിവരവ്, 7.30ന് ദീപാരാധന, 8ന് രാജകൽപ്പന, 9ന് മേളം, 10ന് മഹാഗുരുതി എന്നിവ ഉണ്ടായിരിക്കും.
ഇരിങ്ങാലക്കുട : കൂടൽമാണിക്യം തിരുവുത്സവത്തോടനുബന്ധിച്ച് തെക്കേ നടയിൽ പ്രത്യേകം സജ്ജമാക്കിയ മാണിക്യം വേദിയിൽ വച്ച് ഇപ്രാവശ്യത്തെ മാണിക്യശ്രീ പുരസ്കാരം നളിൻ ബാബു പ്രശസ്ത കൂടിയാട്ട കലാകാരൻ വേണുജിക്ക് സമർപ്പിച്ചു.
സാംസ്കാരിക സമ്മേളനം കഥകളി ആചാര്യൻ രാഘവനാശാൻ ഉദ്ഘാടനം ചെയ്തു.
കൂടൽമാണിക്യം ദേവസ്വം ചെയർമാൻ അഡ്വ. സി.കെ. ഗോപി അധ്യക്ഷത വഹിച്ചു.
ദേവസ്വം ഭരണസമിതി അംഗം ഡോ. മുരളീ ഹരിതം ആമുഖപ്രഭാഷണം നടത്തി.
തന്ത്രി പ്രതിനിധി ഗോവിന്ദൻ നമ്പൂതിരിപ്പാട്, ഭരണസമിതി അംഗങ്ങളായ കെ. ബിന്ദു, വി.സി. പ്രഭാകരൻ, രാഘവൻ മുളങ്ങാടൻ, കൗൺസിലർ പി.സി. രഘു, ആദിശ്രീ എന്നിവർ ആശംസകൾ നേർന്നു.
ഭരണസമിതി അംഗം അഡ്വ. കെ.ജി. അജയ്കുമാർ സ്വാഗതവും അഡ്മിനിസ്ട്രേറ്റർ ജി.എസ്. രാധേഷ് നന്ദിയും പറഞ്ഞു.
ഇരിങ്ങാലക്കുട : കാപ്പ ഉത്തരവ് ലംഘിച്ച് തൃശൂർ ജില്ലയിൽ പ്രവേശിച്ച മുറി രതീഷ് എന്ന പേരിൽ അറിയപ്പെടുന്ന ആളൂർ മാനാട്ടുകുന്ന് സ്വദേശി പേരിപറമ്പിൽ വീട്ടിൽ രതീഷ് (45) എന്നയാളെ റൂറൽ ജില്ലാ പൊലീസ് മേധാവി ബി. കൃഷ്ണകുമാറിന്റെ നേതൃത്വത്തിലുള്ള അന്വേഷണ സംഘം അറസ്റ്റ് ചെയ്തു.
ഒരു വർഷക്കാലത്തേക്ക് തൃശൂർ റവന്യൂ ജില്ലയിൽ പ്രവേശിക്കുന്നതിന് സഞ്ചലന നിയന്ത്രണ ഉത്തരവ് നിലനിൽക്കെ ചൊവ്വാഴ്ച മാനാട്ടുകുന്നിൽ പ്രവേശിച്ചതിനെ തുടർന്നാണ് രതീഷിനെ അറസ്റ്റ് ചെയ്തത്.
നടപടിക്രമങ്ങൾക്കു ശേഷം കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.
രതീഷ് ആളൂർ സ്റ്റേഷൻ പരിധിയിൽ ആറ് വധശ്രമക്കേസിലും അഞ്ച് അടിപിടിക്കേസിലും കാപ്പ നിയമപ്രകാരം നടപടി സ്വീകരിച്ച കേസുകളിലും ഉൾപ്പെടെ ഇരുപത് ക്രിമിനൽ കേസുകളിലെ പ്രതിയാണ്.
ആളൂർ സ്റ്റേഷൻ എസ്എച്ച്ഒ കെ.വി. ഹരിക്കുട്ടൻ, എസ്ഐ മനു പി. ചെറിയാൻ, സിപിഒ മാരായ ആദർശ്, അരുൺ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
ഇരിങ്ങാലക്കുട : ജാതി വിവേചനത്തെ ചെറുക്കാൻ വിദ്യാർഥി രാഷ്ട്രീയം ശക്തിപ്പെടണമെന്ന്
എഐഎസ്എഫ് സംസ്ഥാന സെക്രട്ടറി എ. അധിൻ ആഹ്വാനം ചെയ്തു.
എഐഎസ്എഫിൻ്റെ ജില്ലാ തല പ്രദേശിക മെമ്പർഷിപ്പ് നവോത്ഥാന പോരാട്ടത്തിൻ്റെ സ്മരണ ഭൂമികയായ ഇരിങ്ങാലക്കുടയിൽ ഉദ്ഘാടനം ചെയ്തു സംസാരിക്കുകയായിരുന്നു അധിൻ.
ജാതിവിരുദ്ധ നവോത്ഥാന പോരാട്ടങ്ങളുടെ ദീർഘ ചരിത്രമുള്ള സംസ്ഥാനത്ത് അധഃസ്ഥിതരെന്ന് വിലയിരുത്തി വ്യത്യസ്തമായ തലങ്ങളിൽ വിവേചനങ്ങൾ നേരിട്ട ഭൂതകാലത്തെ വീണ്ടും പുതിയ രീതിയിൽ പ്രതിഷ്ഠിക്കാനുള്ള തല്പരകക്ഷികളുടെ ഹിഡൻ അജണ്ടയ്ക്കെതിരെ ശക്തമായ പ്രതിരോധം സൃഷ്ടിക്കുമെന്നും അധിൻ കൂട്ടിച്ചേർത്തു.
എഐഎസ്എഫ് ജില്ലാ പ്രസിഡൻ്റ് അഡ്വ. കെ.എസ്. അഭിറാം അധ്യക്ഷത വഹിച്ചു.
ആദ്യമായി ഭദ്ര എന്ന വിദ്യാർഥിക്ക് മെമ്പർഷിപ്പ് നൽകി.
എഐഎസ്എഫ് സംസ്ഥാന ജോയിൻ്റ് സെക്രട്ടറി കെ.എ. അഖിലേഷ്, സംസ്ഥാന എക്സിക്യൂട്ടീവ് അർജുൻ മുരളീധരൻ, എഐഎസ്എഫ് ജില്ലാ സെക്രട്ടറി മിഥുൻ പോട്ടക്കാരൻ, സിപിഐ മുതിർന്ന നേതാവ് കെ. ശ്രീകുമാർ, ജില്ലാ എക്സിക്യൂട്ടീവ് അംഗം പി. മണി, എഐവൈഎഫ് ജില്ലാ പ്രസിഡൻ്റ് ബിനോയ് ഷബീർ, സിപിഐ മണ്ഡലം സെക്രട്ടറി എൻ.കെ. ഉദയപ്രകാശ്, എഐഎസ്എഫ് സംസ്ഥാന കമ്മിറ്റി അംഗങ്ങളായ ശിവപ്രിയ, സാനിയ പ്രസാദ്, എഐഎസ്എഫ് മണ്ഡലം സെക്രട്ടറി പി.വി. വിഘ്നേഷ്, മണ്ഡലം പ്രസിഡൻ്റ് ജിബിൻ ജോസ് എന്നിവർ പ്രസംഗിച്ചു.
ഇരിങ്ങാലക്കുട : കൂടൽമാണിക്യം ക്ഷേത്രത്തിലെ തിരുവുത്സവാഘോഷവേളയിൽ ദേവനും, ഭഗവാൻ്റെ പാർഷദന്മാർക്കും, സേനാംഗങ്ങളായ ഭൂതഗണങ്ങൾക്കുമെല്ലാം വിശേഷാൽ നിവേദ്യത്തിനും ശ്രീഭൂതബലിക്കും വേണ്ടതായ ഹവിർധാന്യവുമായി പൂർവ്വിക നിശ്ചയപ്രകാരം ഊരാഴ്മക്കാർ ഭഗവത് സന്നിധിയിൽ പ്രാർത്ഥനാപൂർവ്വം ഒത്തുചേർന്നു.
ആശ്രമസദൃശമായ യജ്ഞഭൂമികയിൽ യോഗീശ്വര ഭാവത്തിൽ പരിലസിക്കുന്ന കൂടൽമാണിക്യ സ്വാമിയുടെ ക്ഷേത്രസങ്കേതം വിവാദങ്ങളകന്ന് നന്ദിഗ്രാമസമാനം സർവ്വൈശ്വര്യങ്ങളും പ്രദാനം ചെയ്യട്ടെ എന്ന പ്രാർത്ഥനയുമായി സമ്മേളിച്ച ഊരാഴ്മാവകാശികളിൽ നിന്നും ദേവസ്വം മാനേജർ ഇൻ ചാർജ്ജ് കെ.കെ. ഹരിത ദേവസ്വത്തിനുവേണ്ടി ഹവിർധാന്യം ഏറ്റുവാങ്ങി.
ഊരാഴ്മ ഇല്ലങ്ങളെ പ്രതിനിധീകരിച്ച് കെ.എൻ. ഉണ്ണികൃഷ്ണൻ നമ്പൂതിരിപ്പാട്, എടതിരിഞ്ഞി രാജീവ് നമ്പൂതിരി, കെ.ഡി. ദാമോദരൻ നമ്പൂതിരി, ഡി.എൻ. നാരായണൻ നമ്പൂതിരി എന്നിവർ സന്നിഹിതരായിരുന്നു.
മണക്കാട് പരമേശ്വരൻ നമ്പൂതിരി ആശീർവാദമരുളി.
ഇരിങ്ങാലക്കുട : റോട്ടറി ക്ലബ്ബിന്റെ നേതൃത്വത്തിൽ സിവിൽ സ്റ്റേഷനിലെ റോട്ടറി അർബൊറേറ്റത്തിൽ നടത്തിയ ലോക ഭൗമ ദിനാചരണം തഹസിൽദാർ ഡിക്സി ഫ്രാൻസിസ് ഉദ്ഘാടനം ചെയ്തു.
റോട്ടറി പ്രസിഡന്റ് പ്രൊഫ. എം.എ. ജോൺ, സെക്രട്ടറി അബ്ദുൾ ഹക്കീം, ട്രഷറർ ടി.ജി. സച്ചിത്ത്, റോട്ടറി മെമ്പർമാരായ ഹേമചന്ദ്രൻ, രഞ്ജി ജോൺ, അഡ്വ. തോമസ് എന്നിവർ പ്രസംഗിച്ചു.
ഇരിങ്ങാലക്കുട : അവിട്ടത്തൂർ മഹാദേവ ക്ഷേത്രത്തിലെ നവീകരണ കലശത്തിൻ്റെ സമാപന ദിവസമായ ഞായറാഴ്ച രാവിലെ 4 മണിക്ക് കണികണ്ട് നിർമാല്യ ദർശനത്തിന് വൻ ഭക്തജനത്തിരക്ക്.
വെളുപ്പിന് 3.30ന് മുമ്പേ ദർശനത്തിനായി ക്ഷേത്രത്തിൽ നിന്നും അര കിലോമീറ്റർ വരെ ഭക്തജനങ്ങളുടെ നീണ്ട വരിയുണ്ടായിരുന്നു.
തുടർന്ന് ഹോമം, കലശം, അഭിഷേകങ്ങൾ, ബ്രഹ്മകലശാഭിഷേകം എന്നിവ നടന്നു.
കലശ ചടങ്ങുകൾക്ക് ശേഷം 12ന് പ്രസാദ ഊട്ട് ഉണ്ടായിരുന്നു.
കലശത്തോടനുബന്ധിച്ചുള്ള ഉത്സവം മെയ് 1ന് ആറാട്ടോടെ സമാപിക്കും.
മേരി
ഇരിങ്ങാലക്കുട : ഗാന്ധിഗ്രാം കുരുതുകുളങ്ങര കരിപ്പായി പൈലോത് ഭാര്യ മേരി (87)നിര്യാതയായി.
സംസ്കാരകർമ്മം ഏപ്രിൽ 26 (ഞായറാഴ്ച) വൈകീട്ട് 5.50ന് മകളുടെ വസതിയിൽ ശുശ്രൂഷകൾക്കു ശേഷം ഇരിങ്ങാലക്കുട സെൻ്റ് തോമസ് കത്തീഡ്രൽ ദേവാലയ സെമി ത്തേരിയിൽ.
മക്കൾ : ജോണി, സണ്ണി, റാണി
മരുമകൻ : പോൾ പള്ളിത്തറ
