ഇരിങ്ങാലക്കുട : ലിറ്റിൽ ഫ്ലവർ കോൺവെൻ്റ് എൽ.പി. സ്കൂളിൽ ‘വിജയരവം’ അവാർഡ് ദാനവും അനുമോദന ചടങ്ങും നടന്നു.
സി.എം. കിഡ്സ് സ്കോളർഷിപ്പ് ജേതാക്കളായ 41 കുട്ടികളെയും, മതബോധന പരീക്ഷകളിലെ റാങ്ക് ജേതാക്കളെയും, സ്പെൽ ബി, ഡി.സി.എൽ. മത്സര പരീക്ഷകളിലെ വിജയികളെയും, മാതാപിതാക്കൾക്ക് വേണ്ടി നടത്തിയ വിവിധ മത്സരങ്ങളിലെ വിജയികളെയും ആദരിച്ചു.
സിസ്റ്റർ ഹാൻസി അധ്യക്ഷത വഹിച്ചു.
ഉദയ പ്രൊവിൻസ് എജ്യുക്കേഷൻ കൗൺസിലർ സിസ്റ്റർ മരിയറ്റ് ഉദ്ഘാടനം ചെയ്തു.
മുൻ പി.ടി.എ. പ്രസിഡന്റ് തോംസൺ ചിരിയങ്കണ്ടത്ത്, വാർഡ് കൗൺസിലർ പി.വി. ശിവകുമാർ എന്നിവർ ആശംസകൾ അർപ്പിച്ചു.
തുടർന്ന് വിജയികൾക്കുള്ള അവാർഡ് ദാനവും അനുമോദന ചടങ്ങും നടന്നു.
പി.ടി.എ. പ്രസിഡന്റ് സിജു യോഹന്നാൻ സ്വാഗതവും അധ്യാപക പ്രതിനിധി കെ.എഫ്. ഫാൻസി നന്ദിയും പറഞ്ഞു.
