ഇരിങ്ങാലക്കുട : സ്വാതന്ത്ര്യ സമര സേനാനിയും പ്രമുഖ വിവർത്തകനും
പുത്തൻചിറ വായനശാലയുടെ സ്ഥാപകനുമായിരുന്ന ഇ.കെ.ദിവാകരൻ പോറ്റിയുടെ സ്മാരകമായി വായനശാല ആരംഭിക്കുവാൻ കുഴിക്കാട്ടുശ്ശേരി ഗ്രാമികയുടെ വാർഷിക പൊതുയോഗം തീരുമാനിച്ചു.
ദിവാകരൻ പോറ്റിയുടെ ഇരുപതാം ചരമ വാർഷികത്തോടനുബന്ധിച്ച് ജൂലായ് 26ന് ഗ്രാമികയിൽ നടക്കുന്ന അനുസ്മരണ പരിപാടിയിൽ വായനശാല ഫണ്ട് സമാഹരണത്തിനും പുസ്തക ശേഖരണത്തിനും തുടക്കം കുറിക്കാനും അടുത്ത വർഷംതന്നെ പ്രവർത്തനം ആരംഭിക്കുവാനും യോഗം തീരുമാനിച്ചു.
സാമൂഹ്യ പ്രവർത്തക പ്രൊഫ. കുസുമം ജോസഫ് ഉദ്ഘാടനം ചെയ്തു.
പ്രസിഡണ്ട് പി.കെ.കിട്ടൻ അധ്യക്ഷനായി.
സെക്രട്ടറി എൻ.പി.ഷിൻ്റോ വാർഷിക റിപ്പോർട്ടും ട്രഷറർ സി.മുകുന്ദൻ വരവ് ചെലവ് കണക്കും അവതരിപ്പിച്ചു.
എഴുത്തുകാരായ പി.ബി. ഹൃഷികേശൻ, വാസുദേവൻ പനമ്പിള്ളി, തുമ്പൂർ ലോഹിതാക്ഷൻ, വനമിത്ര പുരസ്കാര ജേതാവ് വി.കെ.ശ്രീധരൻ,
മുൻ പ്രസിഡണ്ട്
ഡോ.വടക്കേടത്ത് പത്മനാഭൻ, വി.ആർ. മനുപ്രസാദ് എന്നിവർ സംസാരിച്ചു.
പുതിയ ഭാരവാഹികളായി
പി.കെ.കിട്ടൻ (പ്രസിഡണ്ട്), എൻ.പി.ഷിൻ്റോ (സെക്രട്ടറി), സി.മുകുന്ദൻ (ട്രഷറർ) എന്നിവരെ തെരഞ്ഞെടുത്തു.
