ഇരിങ്ങാലക്കുട : ഇരിങ്ങാലക്കുട നിയോജകമണ്ഡലത്തിലെ തകർന്നടിഞ്ഞ റോഡുകൾ നന്നാക്കുക, തൃശൂർ – കൊടുങ്ങല്ലൂർ പാതയുടെ നിർമ്മാണത്തിന്റെ മെല്ലെ പോക്ക് അവസാനിപ്പിക്കുക, ഠാണാവിലെ രൂക്ഷമായ ഗതാഗതക്കുരുക്ക് അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് ഇരിങ്ങാലക്കുട – കാട്ടൂർ ബ്ലോക്ക് കോൺഗ്രസ് കമ്മിറ്റികളുടെ സംയുക്ത ആഭിമുഖ്യത്തിൽ മന്ത്രി ഡോ. ആർ. ബിന്ദുവിൻ്റെ ഓഫീസിലേക്ക് പ്രതിഷേധ മാർച്ച് നടത്തി.
പൂതംകുളം മൈതാനിയിൽ നിന്നും ആരംഭിച്ച മാർച്ച് കെപിസിസി സെക്രട്ടറി സുനിൽ അന്തിക്കാട് ഉദ്ഘാടനം ചെയ്തു.
ഇരിങ്ങാലക്കുട ബ്ലോക്ക് കോൺഗ്രസ് പ്രസിഡൻ്റ് സോമൻ ചിറ്റേത്ത് അധ്യക്ഷത വഹിച്ചു.
കാട്ടൂർ ബ്ലോക്ക് കോൺഗ്രസ് പ്രസിഡന്റ് ഷാറ്റൊ കുര്യൻ സ്വാഗതം പറഞ്ഞു.
ഡിസിസി സെക്രട്ടറിമാരായ ആൻ്റോ പെരുമ്പിള്ളി, കെ.കെ. ശോഭനൻ, അഡ്വ. സതീഷ് വിമലൻ, മണ്ഡലം പ്രസിഡൻ്റുമാരായ അബ്ദുൽ ഹഖ്, ബാബു തോമസ്, ശശികുമാർ ഇടപ്പുഴ, എ.പി. വിൽസൺ, എൻ. ശ്രീകുമാർ, എ.ഐ. സിദ്ധാർത്ഥൻ, പി.കെ. ഭാസി, സാജു പാറേക്കാടൻ എന്നിവർ പ്രസംഗിച്ചു.
ബ്ലോക്ക് – മണ്ഡലം ഭാരവാഹികൾ, പോഷക സംഘടനകളുടെ ഭാരവാഹികൾ എന്നിവർ നേതൃത്വം നൽകി.
Leave a Reply