ഇരിങ്ങാലക്കുട : കേന്ദ്രസർക്കാരിന്റെ ജനവിരുദ്ധ – തൊഴിലാളി വിരുദ്ധ നയങ്ങൾക്കെതിരെ പോരാടുക, തൊഴിലാളി വിരുദ്ധ ലേബർ കോഡുകൾ പിൻവലിക്കുക, പി.എഫ്.ആർ.ഡി.എ. നിയമം പിൻവലിക്കുക, എല്ലാ ജീവനക്കാർക്കും നിർവചിക്കപ്പെട്ട പെൻഷൻ പുന:സ്ഥാപിക്കുക, സംസ്ഥാന സർക്കാരിന്റെ ജനപക്ഷ ബദലിന്റെ അനിവാര്യമായ തുടർച്ച ഉറപ്പാക്കുക, വർഗീയതയെയും ഭീകരവാദത്തിനെയും യുദ്ധഭീകരതയെയും ചെറുക്കുക, ക്ഷാമബത്ത കുടിശ്ശിക അനുവദിക്കുക, ശമ്പളപരിഷ്കരണ നടപടികൾ ആരംഭിക്കുക, വിലക്കയറ്റം തടയുക എന്നീ ആവശ്യങ്ങൾ ഉയർത്തിപ്പിടിച്ച് കേരള ഗസറ്റഡ് ഓഫീസേഴ്സ് അസോസിയേഷൻ ഇരിങ്ങാലക്കുട മേഖല നഗരത്തിൽ മാർച്ചും ധർണ്ണയും സംഘടിപ്പിച്ചു.
ധർണ്ണ സംസ്ഥാന കമ്മിറ്റി അംഗം ഡോ. നിഷ എം. ദാസ് ഉദ്ഘാടനം ചെയ്തു.
ജില്ലാ പ്രസിഡൻ്റ് രഹന പി. ആനന്ദ് അധ്യക്ഷത വഹിച്ചു.
എഫ്.എസ്.ഇ.ടി.ഒ. ഇരിങ്ങാലക്കുട താലൂക്ക് കമ്മിറ്റി പ്രസിഡൻ്റ് ദീപ ആൻ്റണി, കേന്ദ്ര ജീവനക്കാരുടെ കോൺഫെഡറേഷൻ താലൂക്ക് കമ്മിറ്റി സെക്രട്ടറി പി.എ. സ്മിജിത്ത് എന്നിവർ ആശംസകൾ നേർന്നു.
കെ.ജി.ഒ.എ. ജില്ലാ ജോയിൻ്റ് സെക്രട്ടറി ഡോ. ടി.വി. സതീശൻ സ്വാഗതവും ജില്ലാ സെക്രട്ടറിയേറ്റ് അംഗം എം.വി. റജീഷ് നന്ദിയും പറഞ്ഞു.
Leave a Reply