ഇരിങ്ങാലക്കുട : സെന്റ് മേരീസ് ഹയർ സെക്കൻഡറി സ്കൂളിൽ ‘സർഗ്ഗധാര’ കലോത്സവത്തിന് വർണാഭമായ തുടക്കമായി.
വിദ്യാർഥികളിലെ കലാപരവും സർഗാത്മകവുമായ കഴിവുകൾ പ്രോത്സാഹിപ്പിക്കുക എന്ന ലക്ഷ്യത്തോടെ സംഘടിപ്പിച്ച ദ്വിദിന സ്കൂൾ കലോത്സവം പ്രശസ്ത ചലച്ചിത്ര നടനും മിമിക്രി കലാകാരനുമായ കലാഭവൻ ജോഷി ഉദ്ഘാടനം ചെയ്തു. തുടർന്ന് അദ്ദേഹത്തിന്റെ നേതൃത്വത്തിൽ ‘ചിരിവിരുന്ന്’ പരിപാടി അരങ്ങേറി.
സ്കൂൾ മാനേജർ റവ. ഫാ. ഡോ. പ്രൊഫ. ലാസർ കുറ്റിക്കാടൻ അധ്യക്ഷത വഹിച്ചു.
പി.ടി.എ. പ്രസിഡന്റ് അജോ ജോൺ ആശംസകൾ അർപ്പിച്ചു. തുടർന്ന് അദ്ദേഹം ഒരുക്കിയ ഗാനവിരുന്ന് കുട്ടികൾക്ക് പുത്തൻ അനുഭവമായി മാറി.
സ്കൂൾ ഹെഡ്മിസ്ട്രസ്സ് റീജ ജോസ് സ്വാഗതവും പ്രോഗ്രാം കൺവീനർ സിബി ദേവസ്സി നന്ദിയും പറഞ്ഞു.
Leave a Reply