ഇരിങ്ങാലക്കുട : ക്രൈസ്റ്റ് കോളെജിലെ സാമൂഹിക സേവന സംഘടനയായ തവനിഷ് സവിഷ്കാര പേഴ്സൺ ഓഫ് ദി ഇയർ അവാർഡ് വിജയികളായി പനമ്പിള്ളി മെമ്മോറിയൽ ഗവ കോളെജിലെ ഒന്നാം വർഷ ബിരുദാനന്തര ബിരുദ വിദ്യാർഥിയായ കെ ബി കാളിദാസ്, രണ്ടാം വർഷ ബിരുദ വിദ്യാർഥിയായ പി ആർ പ്രണവ് എന്നിവരെ തിരഞ്ഞെടുത്തു.
കേരളത്തിലെ കലാലയങ്ങളിൽ പഠിക്കുന്ന ഭിന്നശേഷി വിദ്യാർഥികളിൽ നിന്ന് തെരഞ്ഞെടുക്കപ്പെട്ട മികച്ച വിദ്യാർഥികൾക്ക് നൽകുന്ന അവാർഡാണ് സവിഷ്കാര പേഴ്സൺ ഓഫ് ദി ഇയർ അവാർഡ്.
7500 രൂപ ക്യാഷ് അവാർഡും സർട്ടിഫിക്കറ്റും മൊമെൻ്റോയും അടങ്ങുന്ന പുരസ്കാരം കോളെജ് പ്രിൻസിപ്പൽ റവ ഫാ ഡോ ജോളി ആൻഡ്രൂസ് കൈമാറി.
തവനിഷ് സ്റ്റാഫ് കോർഡിനേറ്റർമാരായ അസി പ്രൊഫ മുവിഷ് മുരളി, അസി പ്രൊഫ റീജ ജോൺ, അസി പ്രൊഫ വി ബി പ്രിയ എന്നിവരും, സ്റ്റുഡന്റ് സെക്രട്ടറി സജിൽ, സ്റ്റുഡന്റ് കോർഡിനേറ്റർമാരായ ആഷ്മിയ, ജിനോ, എഡ്വിൻ, അതുൽ എന്നിവരും തവനിഷ് വൊളന്റിയർമാരും ചടങ്ങിൽ പങ്കെടുത്തു.
Leave a Reply