IRINJALAKUDA TIMES
ഇരിങ്ങാലക്കുട : പുരോഗമന കലാസാഹിത്യസംഘത്തിൻ്റെ ആഭിമുഖ്യത്തിൽ മോഹൻദാസ് പാറയിൽ രചിച്ച പഹൽഗാമിലെ കുതിരലാടം’ എന്ന കഥാസമാഹാരം ചർച്ച ചെയ്തു.
പരിപാടി മന്ത്രി ഡോ. ആർ. ബിന്ദു ഉദ്ഘാടനം ചെയ്തു.
മുൻ മന്ത്രി പ്രൊഫ. സി. രവീന്ദ്രനാഥ് കഥകളുടെ അവലോകനം നടത്തി.
ഖാദർ പട്ടേപ്പാടം അധ്യക്ഷത വഹിച്ചു.
ഡോ. കെ. രാജേന്ദ്രൻ, ബാലകൃഷ്ണൻ അഞ്ചത്ത്, പി.കെ. ഭരതൻ, മോഹൻദാസ് പാറയിൽ എന്നിവർ പ്രസംഗിച്ചു.
ഇരിങ്ങാലക്കുട : കൂടൽമാണിക്യം തിരുവുത്സവത്തോടനുബന്ധിച്ച് മുകുന്ദപുരം എൻ.എസ്.എസ്. താലൂക്ക് യൂണിയൻ്റെ ആഭിമുഖ്യത്തിൽ ആരംഭിച്ച സംഭാര വിതരണം ഗുരുവായൂർ ദേവസ്വം ബോർഡ് അംഗവും മീനച്ചിൽ താലൂക്ക് യൂണിയൻ ചെയർമാനുമായ മനോജ് ബി. നായർ ഉദ്ഘാടനം ചെയ്തു.
യൂണിയൻ ഓഫീസിന് മുൻപിൽ നടന്ന ചടങ്ങിൽ താലൂക്ക് യൂണിയൻ വൈസ് പ്രസിഡൻ്റ് ആർ. ബാലകൃഷ്ണൻ അധ്യക്ഷത വഹിച്ചു.
യൂണിയൻ സെക്രട്ടറി എസ്. കൃഷ്ണകുമാർ സ്വാഗതവും യൂണിയൻ കമ്മിറ്റി അംഗം വിജയൻ ചിറ്റേത്ത് നന്ദിയും പറഞ്ഞു.
പ്രതിനിധി സഭാംഗങ്ങളായ ടി. ഉണ്ണികൃഷ്ണമേനോൻ, ഡി.പി. നായർ, യൂണിയൻ കമ്മിറ്റി അംഗങ്ങളായ ചന്ദ്രമതി സുരേഷ്, ബിന്ദു ജി. മേനോൻ, രമ വിജയൻ, രവി കണ്ണൂർ, യൂണിയൻ ഇലക്ട്രറൽ റോൾ മെമ്പർ കെ.പി. ഹരീഷ്കുമാർ, വനിതാ യൂണിയൻ കമ്മിറ്റി അംഗങ്ങളായ ശ്രീദേവി മേനോൻ, ജയന്തി രാഘവൻ തുടങ്ങിയവർ സന്നിഹിതരായിരുന്നു.
ആറാട്ട് ദിനമൊഴികെ എല്ലാ ദിവസവും രാവിലെ പതിനൊന്ന് മണി മുതലാണ് സംഭാരവിതരണം നടത്തുക.
ഇരിങ്ങാലക്കുട : കുഴിക്കാട്ടുശ്ശേരി ഗ്രാമിക അക്കാദമിയുടെ 18-ാം വാർഷികാഘോഷങ്ങൾ “അരങ്ങ് 2026” മെയ് 3ന് ആശ ബോസ്ലേ വേദിയിൽ നടക്കും.
വൈകീട്ട് 5.30ന് മന്ത്രി
ഡോ. ആർ. ബിന്ദു വാർഷികാഘോഷങ്ങളുടെ ഉദ്ഘാടനം നിർവ്വഹിക്കും.
പുരസ്കാര ജേതാക്കളായ പ്രമുഖ വ്യക്തികളെ മന്ത്രി ആദരിക്കും.
വിവിധ കലോത്സവ മത്സര വിജയികൾക്ക് ജില്ലാ പഞ്ചായത്ത് വൈസ് പ്രസിഡൻ്റ് ടി.കെ. സുധീഷ് അനുമോദനം നൽകും.
നൃത്തവേദിയിൽ അരങ്ങേറ്റം കുറിക്കുന്ന 35 പേർക്ക് പഞ്ചായത്ത് പ്രസിഡൻ്റ് റോസിലി ഫ്രാൻസിസ് സ്മൃതി ഫലകങ്ങൾ സമർപ്പിക്കും.
തുടർന്ന് 6.30 മുതൽ അരങ്ങേറുന്ന നൃത്തോത്സവത്തിൽ അമ്പതിൽപരം നൃത്ത വിദ്യാർഥികൾ അവതരിപ്പിക്കുന്ന വൈവിധ്യമാർന്ന നൃത്താവതരണങ്ങൾ നടക്കും.
29 നൃത്തവിദ്യാർഥികളുടെ ഭരതനാട്യം, മോഹിനിയാട്ടം, കുച്ചുപ്പുടി അരങ്ങേറ്റത്തോടൊപ്പം അമ്മമാരുടെ ആദ്യ ബാച്ചിലെ 6 പേരുടെ ഭരതനാട്യം അരങ്ങേറ്റവും ഉണ്ടാകും.
രാവിലെ 10ന് ആരംഭിക്കുന്ന സംഗീതോത്സവത്തിൽ സംഗീത കച്ചേരി, കരോക്കെ ഗാനമേള എന്നിവയും ഉണ്ടാകും.
ഇരിങ്ങാലക്കുട : സാമ്രാജ്യത്വ രാജ്യങ്ങൾ ബോധപൂർവ്വം സുഷ്ടിക്കുന്നതാണ് യുദ്ധമെന്നും യുദ്ധത്തെയും ഫാസിസത്തെയും ചെറുക്കാൻ തൊഴിലാളികൾ രംഗത്തിറങ്ങണമെന്നും എഐടിയുസി സംസ്ഥാന സെക്രട്ടറിയും സിപിഐ ജില്ലാ സെക്രട്ടറിയുമായ കെ.ജി. ശിവാനന്ദൻ അഭിപ്രായപ്പെട്ടു.
ഇടതുപക്ഷ സംയുക്ത ട്രേഡ് യൂണിയൻ സമിതിയുടെ ആഭിമുഖ്യത്തിൽ ഇരിങ്ങാലക്കുട മണ്ഡലം തലത്തിൽ സംഘടിപ്പിച്ച മെയ്ദിന റാലിയും പൊതുസമ്മേളനവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മനുസ്മൃതി പ്രകാരം തൊഴിൽ അവകാശമല്ല, ധർമ്മം മാത്രമാണ്. തൊഴിൽ അവകാശങ്ങൾ ഹനിക്കുന്ന നിയമമാണ് മോദി സർക്കാർ സൃഷ്ടിച്ച തൊഴിൽ സംഹിത (ലേബർ കോഡുകൾ). മോദി സർക്കാരിൻ്റെ തൊഴിലാളി വിരുദ്ധ ഫാസിസ്റ്റ് സമീപനമാണ് ലേബർ കോഡ് പ്രകടമാക്കുന്നതെന്നും അദ്ദേഹം കൂട്ടിച്ചേർത്തു.
ഠാണാ സിഗ്നൽ ജങ്ഷനിൽ നിന്നാരംഭിച്ച റാലി ടൗൺ ഹാളിൽ സമാപിച്ചു.
പൊതുസമ്മേളനത്തിൽ സിഐടിയു ഏരിയ സെക്രട്ടറി കെ.എ. ഗോപി അധ്യക്ഷത വഹിച്ചു.
സിപിഎം ഏരിയ സെക്രട്ടറി വി.എ. മനോജ്കുമാർ, എഐടിയുസി മണ്ഡലം സെക്രട്ടറി കെ.കെ. ശിവൻ, സിഐടിയു ജില്ലാ ട്രഷറർ ലത ചന്ദ്രൻ, എഐടിയുസി ജില്ലാ കമ്മിറ്റി അംഗം വർദ്ധനൻ പുളിക്കൽ എന്നിവർ ആശംസകൾ നേർന്നു.
സ്മിത രാജൻ, വിഷ്ണുദാസ്, സി.ഡി. സിജിത്, റഷീദ് കാറളം, റസിൽ എന്നിവർ പ്രസംഗിച്ചു.
ഇരിങ്ങാലക്കുട : സുദീർഘവും സ്തുത്യർഹവുമായ സേവനത്തിന് ശേഷം ഏപ്രിൽ 30ന് സർവീസിൽ നിന്ന് വിരമിച്ച ആറ് പൊലീസ് ഉദ്യോഗസ്ഥർക്കും, മിനിസ്റ്റീരിയൽ സ്റ്റാഫിനും യാത്രയയപ്പ് നൽകി തൃശൂർ റൂറൽ പൊലീസ്.
കൊടുങ്ങല്ലൂർ സ്റ്റേഷനിലെ എസ്ഐ ടി.എം. കശ്യപൻ, വരന്തരപ്പിള്ളി സ്റ്റേഷനിലെ എസ്ഐ ആർ. ഷാജി, ജില്ലാ പൊലീസ് ഹെഡ്ക്വാർട്ടേഴ്സിലെ ജിഎസ്ഐ ഒ.എ. അജയഘോഷ്, കൊടുങ്ങല്ലൂർ സ്റ്റേഷനിലെ ജിഎസ്ഐ ടി.ആർ. ബാബു, ജില്ലാ പൊലീസ് ഹെഡ്ക്വാർട്ടേഴ്സിലെ എഎസ്ഐ വി.കെ. ഷാജി, കാട്ടൂർ സ്റ്റേഷനിലെ ജിഎഎസ്ഐ എൻ.എം. ഗിരിജ, സീനിയർ ക്ലർക്ക് ജോൺ ലൂയിസ് എന്നിവർക്കാണ് ഇരിങ്ങാലക്കുടയിലെ ജില്ലാ പൊലീസ് മേധാവിയുടെ ഓഫീസിൽ വെച്ച് യാത്രയയപ്പ് നൽകിയത്.
റൂറൽ ജില്ലാ പൊലീസ് മേധാവി ബി. കൃഷ്ണകുമാർ യാത്രയയപ്പ് സമ്മേളനം ഉദ്ഘാടനം ചെയ്തു.
ഉദ്യോഗസ്ഥരുടെ സേവനകാലത്തെ അഭിനന്ദിച്ച അദ്ദേഹം, അവർക്ക് പ്രശംസാപത്രങ്ങൾ കൈമാറുകയും ഭാവിജീവിതത്തിന് ആശംസകൾ നേരുകയും ചെയ്തു.
അഡീഷണൽ എസ്പി വി.എ. കൃഷ്ണദാസ്, സ്പെഷ്യൽ ബ്രാഞ്ച് ഡിവൈഎസ്പി എൻ.എസ്. സലീഷ്, വിരമിക്കുന്ന ഉദ്യോഗസ്ഥരുടെ കുടുംബാംഗങ്ങൾ, പൊലീസ് ഓഫീസേഴ്സ് അസോസിയേഷൻ, പൊലീസ് അസോസിയേഷൻ പ്രതിനിധികൾ, മറ്റ് ഉദ്യോഗസ്ഥർ എന്നിവർ പങ്കെടുത്തു.
ഇരിങ്ങാലക്കുട : കെ.ജെ.യു. മാള മേഖല കമ്മിറ്റിയുടെ നേതൃത്വത്തിൽ സിൽവർ ജൂബിലി ആഘോഷങ്ങളുടെ ഭാഗമായി സ്ഥാപകദിനം ആചരിച്ചു.
മേഖലാ പ്രസിഡൻ്റ് പി.വി. യശ്പാൽ പതാക ഉയർത്തി.
തുടർന്ന് നടന്ന മേഖലാ യോഗം ജില്ലാ വൈസ് പ്രസിഡൻ്റ് ഷാൻ്റി ജോസഫ് തട്ടകത്ത് ഉദ്ഘാടനം ചെയ്തു.
മേഖലാ പ്രസിഡൻ്റ് പി.വി. യശ്പാൽ അധ്യക്ഷത വഹിച്ചു.
മുതിർന്ന മാധ്യമപ്രവർത്തകരായ ഇ.സി. ഫ്രാൻസിസ്, കെ.എം. ബാവ എന്നിവരെ ചടങ്ങിൽ ആദരിച്ചു.
പി.കെ. അബ്ബാസ്, രമേശ് ഇളയിടത്ത്, സന്ദീപ് ഉണ്ണികൃഷ്ണൻ, കെ.എസ്. സൗമ്യ എന്നിവർ പ്രസംഗിച്ചു.
