ഇരിങ്ങാലക്കുട : ഗവ. മോഡൽ ബോയ്സ് ഹയർ സെക്കൻഡറി സ്കൂളിൽ സൗഹൃദ ദിനം ആഘോഷിച്ചു.
കസ്റ്റംസ് ആന്റ് സെൻട്രൽ എക്സൈസ് റിട്ട. സൂപ്രണ്ട് കാക്കര സുകുമാരൻ നായർ ആഘോഷങ്ങൾ ഉദ്ഘാടനം ചെയ്തു.
പി.ടി.എ. പ്രസിഡൻ്റ് വി. ഭക്തവത്സലൻ അധ്യക്ഷത വഹിച്ചു.
ചടങ്ങിൽ പ്രിൻസിപ്പൽ എം.കെ. മുരളി, സൗഹൃദ ക്ലബ് കോർഡിനേറ്റർ എം.ടി. സിന്ധു, സീനിയർ അസിസ്റ്റന്റ് വി.ആർ. സോണി, സ്റ്റാഫ് സെക്രട്ടറി സി.പി. ഷാജി, പൂർവ്വ വിദ്യാർഥി പി. ഭരത്കുമാർ എന്നിവർ പ്രസംഗിച്ചു.
വിദ്യാലയത്തിന്റെ വികസന പ്രവർത്തനങ്ങളിൽ പങ്കാളിയായ കാക്കര സുകുമാരൻ നായരെ ചടങ്ങിൽ ആദരിച്ചു.
തുടർന്ന് സൗഹൃദ ക്ലബ്ബിലെ വിദ്യാർഥികളുടെ നേതൃത്വത്തിൽ “തീരുമാനമെടുക്കൽ” എന്ന ജീവിത നൈപുണിയെ അടിസ്ഥാനമാക്കി സ്കിറ്റ് അരങ്ങേറി.
Leave a Reply