ഇരിങ്ങാലക്കുട : സെൻ്റ് ജോസഫ്സ് കോളെജിലെ കെമിസ്ട്രി വിഭാഗം സ്കൂൾ വിദ്യാർഥികൾക്കായി ശാസ്ത്രപഠന പരീക്ഷണ ശില്പശാല സംഘടിപ്പിച്ചു.
“കെം ഫ്ലെയർ” എന്ന പേരിൽ നടത്തിയ പഠനപരീക്ഷണ ശില്പശാലയിൽ രസതന്ത്രം എന്ന വിഷയവുമായി ബന്ധപ്പെട്ട നൂതന പഠന സാധ്യതകളെയും വിവിധ തൊഴിൽ അവസരങ്ങളെയും വൈസ് പ്രിൻസിപ്പൽ ഡോ. സിസ്റ്റർ അഞ്ജന പരിചയപ്പെടുത്തി.
ആകർഷകങ്ങളായ രസതന്ത്ര പരീക്ഷണങ്ങളിലൂടെയും കളികളിലൂടെയും രസതന്ത്രത്തിലെ ആശയങ്ങളും അറിവുകളും പാഠപുസ്തകത്തിനപ്പുറമുള്ള അനുഭവങ്ങളും പ്രചോദനവും കുട്ടികൾക്ക് പകർന്നു നൽകാൻ കെം ഫ്ലെയറിലൂടെ സാധിച്ചു.
ഇരിങ്ങാലക്കുടയിലെ വിവിധ സ്കൂളുകളിൽ നിന്നുള്ള നിരവധി വിദ്യാർഥികൾ ശില്പശാലയിൽ പങ്കെടുത്തു.
Leave a Reply