ഇരിങ്ങാലക്കുട : മണപ്പുറം ഫൗണ്ടേഷന്റെ കീഴിൽ പ്രവർത്തിക്കുന്ന മുകുന്ദപുരം പബ്ലിക് സ്കൂളിൽ കെ.ജി. വിദ്യാർഥികളുടെ പ്രവേശനോത്സവം അതിവിപുലമായി ആഘോഷിച്ചു.
പ്രിൻസിപ്പൽ ജിജി കൃഷ്ണ, കെ.ജി. കോർഡിനേറ്റർ ആർ. രശ്മി എന്നിവർ ചേർന്ന് ഭദ്രദീപം കൊളുത്തി വിദ്യാർഥികളെ വരവേറ്റു.
സ്കൂൾ അഡ്മിനിസ്ട്രേറ്റർ അതുല്യ സുരേഷ്, പി.ടി.എ. പ്രസിഡന്റ് വിനോദ് മേനോൻ എന്നിവർ പ്രസംഗിച്ചു.
മജീഷ്യൻ വിനു വിശ്വനാഥൻ കുട്ടികൾക്കായി അവതരിപ്പിച്ച മാജിക് ഷോയും അധ്യാപകർ ഒരുക്കിയ കലാപരിപാടികളും വർണ്ണ വിസ്മയം തീർത്തു.
തുടർന്ന് കുട്ടികൾക്ക് സമ്മാനപ്പൊതികൾ വിതരണം ചെയ്തു.
കോർഡിനേറ്റർ ആർ. രശ്മി സ്വാഗതവും അധ്യാപികയായ പി.കെ. ഷൈബ നന്ദിയും പറഞ്ഞു.
Leave a Reply