ഇരിങ്ങാലക്കുട : ഇരിങ്ങാലക്കുടയുടെ സംസ്കാരികോത്സവം വർണ്ണക്കുടയുടെ മുന്നോടിയായി 21ന് നടത്തുന്ന വാക്കത്തോണിൽ പങ്കെടുക്കുന്നവർക്ക് നൽകുന്ന ജേഴ്സി പ്രകാശനം ചെയ്തു.
മന്ത്രി ഡോ ആർ ബിന്ദു പ്രവാസി വ്യവസായിയും ജീവകാരുണ്യ പ്രവർത്തകനുമായ നിസാർ അഷറഫിന് ജേഴ്സി നൽകിയാണ് പ്രകാശനം നിർവഹിച്ചത്.
21ന് ശനിയാഴ്ച രാവിലെ 7.30ന് മുനിസിപ്പൽ മൈതാനിയിൽ നിന്നും ആരംഭിക്കുന്ന വാക്കത്തോൺ ചന്തക്കുന്ന് – ഠാണാ- ബസ് സ്റ്റാൻഡ് വഴി മൈതാനിയിൽ സമാപിക്കും.
വർണ്ണക്കുട ജനറൽ കൺവീനർ ജോസ് ജെ ചിറ്റിലപ്പിള്ളി അധ്യക്ഷത വഹിച്ചു.
കോർഡിനേറ്റർമാരായ ടെൽസൺ കോട്ടോളി, പി ആർ സ്റ്റാൻലി, എ സി സുരേഷ്, ദീപ ആന്റണി എന്നിവർ പ്രസംഗിച്ചു.
Leave a Reply