ഇരിങ്ങാലക്കുട : നാടിൻ്റെ പ്രദേശികോത്സവത്തിന് തുടക്കം കുറിച്ച് “വർണ്ണക്കുട”യുടെ കൊടി കയറി.
നഗരസഭ മൈതാനിയിൽ പ്രോഗ്രാം ചെയർമാൻ കൂടിയായ മന്ത്രി ഡോ ആർ ബിന്ദു കൊടിയേറ്റി.
തുടർന്ന് ഗവ ഗേൾസ് ഹയർ സെക്കൻ്ററി, വി എച്ച് എസ് സി സ്കൂൾ വിദ്യാർത്ഥികളുടെ ഫ്ലാഷ് മോബ്, സെൻ്റ്ജോസഫ്സ് കോളെജ് വിദ്യാർത്ഥിനികളുടെ സ്നേഹസംഗീതം, ജനങ്ങൾ അണിചേർന്ന ദീപജ്വാല, വർണ്ണമഴ എന്നിവയും അരങ്ങേറി.
ചടങ്ങിൽ നഗരസഭ ചെയർപേഴ്സൺ മേരിക്കുട്ടി ജോയി അദ്ധ്യക്ഷത വഹിച്ചു.
ജില്ലാ പഞ്ചായത്ത് വൈസ് പ്രസിഡണ്ട് ലത ചന്ദ്രൻ, ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡണ്ട് ലളിത ബാലൻ, വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡണ്ട് സുധ ദിലീപ്, ജില്ലാ പഞ്ചായത്തംഗം ഷീല അജയഘോഷ്, പ്രോഗ്രാം കമ്മിറ്റി ജനറൽ കൺവീനറും മുരിയാട് പഞ്ചായത്ത് പ്രസിഡണ്ടുമായ ജോസ് ചിറ്റിലപ്പിള്ളി, പഞ്ചായത്ത് പ്രസിഡണ്ടുമാരായ കെ ആർ ജോജോ, കെ എസ് തമ്പി, ലിജി രതീഷ്, ടി വി ലത, നഗരസഭ സ്റ്റാൻഡിംഗ് കമ്മിറ്റി ചെയർമാൻമാരായ ജെയ്സൻ പാറേക്കാടൻ, അംബിക പള്ളിപ്പുറത്ത്, ഫെനി എബിൻ, അഡ്വ ജിഷ ജോബി, നഗരസഭ പ്രതിപക്ഷ നേതാവ് അഡ്വ കെ ആർ വിജയ, മുകുന്ദപുരം തഹസിൽദാർ സിമീഷ് സാഹു, ഡി വൈ എസ് പി സുരേഷ്, കൂടൽമാണിക്യം ദേവസ്വം ചെയർമാൻ അഡ്വ സി കെ ഗോപി, സെൻ്റ് ജോസഫ്സ് കോളെജ് പ്രിൻസിപ്പൽ സിസ്റ്റർ ബ്ലെസ്സി, ക്രൈസ്റ്റ് കോളെജ് മാനേജർ ഫാ ജോയി പീനിക്കപ്പറമ്പിൽ, ക്രൈസ്റ്റ് എഞ്ചിനീയറിങ്ങ് കോളേജ് ഡയറക്ടർ ഫാ ജോൺ പാലിയേക്കര, പ്രോഗ്രാം കോർഡിനേറ്റർമാരായ ടെൽസൺ കോട്ടോളി, ഷെറിൻ അഹമ്മദ്, അഡ്വ കെ ജി അജയകുമാർ, പി ആർ സ്റ്റാൻലി, എ സി സുരേഷ് തുടങ്ങിയവർ പങ്കെടുത്തു.
Leave a Reply