ഇരിങ്ങാലക്കുട : കാറളം വി.എച്ച്.എസ്. സ്കൂളിലെ വി.എച്ച്.എസ്.ഇ. വിഭാഗം എൻ.എസ്.എസ്. യൂണിറ്റിന്റെ ആഭിമുഖ്യത്തിൽ കുട്ടികളിൽ വായനാശീലം വളർത്തിയെടുക്കുന്നതിന്റെ ഭാഗമായി എൻ.എസ്.എസ്. വൊളൻ്റിയർമാർ ശേഖരിച്ച പുസ്തകങ്ങൾ സാംസ്കാരിക പ്രവർത്തകനായ റഷീദ് കാറളത്തിന്റെ വസതിയിലുള്ള ‘വീട്ടിലെ ലൈബ്രറി’യിലേക്ക് നൽകി.
കുട്ടികളിലെ വായനാശീലം വളർത്തേണ്ടതിന്റെ ആവശ്യകതയെക്കുറിച്ചും ലൈബ്രറി പ്രവർത്തനങ്ങളെക്കുറിച്ചും അദ്ദേഹം വിശദീകരിച്ചു.
ലൈബ്രറി സന്ദർശനത്തിലൂടെ വിവിധ പുസ്തകങ്ങളെ പറ്റിയും എഴുത്തുകാരെ പറ്റിയും കുട്ടികൾക്ക് കൂടുതൽ അറിയുന്നതിനും സാധിച്ചു.
തുടർന്ന് എൻ.എസ്.എസ്. വൊളൻ്റിയർമാർ ഊർജ്ജ സംരക്ഷണത്തെക്കുറിച്ച് ദത്തുഗ്രാമത്തിലെ വീടുകളിൽ ബോധവൽക്കരണവും ലഘുലേഖ വിതരണവും സർവ്വേയും നടത്തി.
പ്രോഗ്രാം ഓഫീസർ മായാദേവി പ്രവർത്തനങ്ങൾക്ക് നേതൃത്വം നൽകി.
Leave a Reply