തൃശൂർ : ഹരിത കേരള മിഷൻ്റെയും ലയൺസ് ക്ലബ്ബിന്റെയും സംയുക്താഭിമുഖ്യത്തിൽ ജയിൽ വളപ്പിൽ
അതിവേഗം കായ്ഫലം തരുന്ന നൂറോളം ഫലവൃക്ഷ ചെടികൾ നട്ടു.
ജയിലിലെ ഡോഗ് സ്ക്വാഡിനോട് തൊട്ട് കാടുപിടിച്ചു കിടന്നിരുന്ന ഒരേക്കറോളം സ്ഥലം വൃത്തിയാക്കി ശാസ്ത്രീയമായ അകലം പാലിച്ചു കൊണ്ടാണ് തൈകൾ നട്ടത്.
ജില്ലാ പഞ്ചായത്ത് പ്രസിഡന്റ് വി.എസ്. പ്രിൻസ് പരിപാടി ഉദ്ഘാടനം ചെയ്തു.
ജയിൽ സൂപ്രണ്ട് കെ. അനിൽകുമാർ അധ്യക്ഷത വഹിച്ചു.
ലയൺസ് ക്ലബ്ബ് ഡിസ്ട്രിക്ട് ഗവർണർ ജെയിംസ് വളപ്പില മുഖ്യാതിഥിയായി.
ഹരിതകേരളം ജില്ലാ കോർഡിനേറ്റർ ദിദിക സ്വാഗതം പറഞ്ഞു.
പാലക്കാട് ജില്ലാ ജയിലിൽ 2020ൽ ആരംഭിച്ച ”ക്ഷിപ്രവനം 1.0”ൽ നിന്ന് കായ്ഫലം ലഭിച്ചു തുടങ്ങിയ കാര്യം സൂപ്രണ്ട് ഓർമ്മിപ്പിച്ചു.
“ഒരു മരം നടുമ്പോൾ ഒരു തണൽ നടുന്നു” എന്നത് ഒരു പടി കൂടി കടന്ന് കായ്ഫലവും വേഗത്തിൽ ലഭിക്കുന്നു എന്നതാണ് ക്ഷിപ്രവനം ലക്ഷ്യമിടുന്നത്.
ഭക്ഷണം തേടി കാടിറങ്ങുന്ന വന്യജീവികൾക്കു പുറമേ ഭാവിയിൽ തീറ്റ ലഭിക്കാതാവുമ്പോൾ പക്ഷികളും അക്രമകാരികളാകുന്നത് ഒഴിവാക്കാനും വിവിധ ഫലവൃക്ഷങ്ങളുള്ള തോട്ടങ്ങൾ ഉപകരിക്കും.
റംബൂട്ടാൻ, പുലോസൻ, അബിയു, ജബോട്ടിക, ലിച്ചി, റോളിന, സീതപ്പഴം, മാംഗോസ്റ്റീൻ, കിളി ഞാവൽ, മൂസമ്പി, ബെയർ ആപ്പിൾ, ചെറി, എഗ്ഗ് പ്ലാൻ്റ്, മൾബറി, ചൈനീസ് ഓറഞ്ച്, തായ്ലൻ്റ് പേര, സ്ട്രോബറി പേര
തുടങ്ങിയ ഫലവൃക്ഷ തൈകളാണ് ലയൺസ് ക്ലബ്ബ് വഴി ലഭ്യമായത്.
Leave a Reply