ഇരിങ്ങാലക്കുട : യുവാവിനെ ഹെൽമറ്റ് കൊണ്ടടിച്ച് പരിക്കേൽപ്പിച്ച കേസിൽ കൊടുങ്ങല്ലൂർ എറിയാട് സ്വദേശി കൈമപറമ്പിൽ വീട്ടിൽ വിഷ്ണു (33) എന്നയാളെ ഇരിങ്ങാലക്കുട പൊലീസ് അറസ്റ്റ് ചെയ്തു.
വ്യാഴാഴ്ച ഉച്ചതിരിഞ്ഞ് 3.30 ഓടെ കരൂപ്പടന്ന സ്കൂളിന് മുന്നിലാണ് സംഭവം നടന്നത്.
കരൂപ്പടന്ന സ്വദേശി വാക്കാട്ട് വീട്ടിൽ വിനീഷ് കരൂപ്പടന്ന സ്കൂളിൽ നിന്ന് 7 വയസ്സുള്ള കുട്ടിയെ കൊണ്ട് പോകുന്നതിനായി വന്ന സമയം സ്കൂളിന് മുന്നിലെ റോഡിലൂടെ അതിവേഗത്തിൽ ബുള്ളറ്റ് ഓടിച്ച് വന്നിരുന്ന വിഷ്ണുവിനെ കണ്ട് പതുക്കെ പോകാൻ പറഞ്ഞതിലുള്ള വൈരാഗ്യത്തിൽ വിഷ്ണു വിനീഷിനെ ഹെൽമെറ്റ് കൊണ്ട് അടിച്ച് പരിക്കേൽപ്പിക്കുകയായിരുന്നു.
Leave a Reply