ഇരിങ്ങാലക്കുട : ഗവ. മോഡൽ ബോയ്സ് ഹയർ സെക്കൻഡറി സ്കൂളിൽ സ്കൂൾ പ്രൊട്ടക്ഷൻ ഗ്രൂപ്പിന്റെ നേതൃത്വത്തിൽ ലഹരി വിമുക്ത ക്ലബ്ബ് ആരംഭിച്ചു.
ഹെഡ്മിസ്ട്രസ് ടി.കെ. ലത അധ്യക്ഷത വഹിച്ചു.
തൃശൂർ എക്സൈസ് ഡിവിഷൻ വിമുക്തി റിസോഴ്സ് പേഴ്സണും, ഇരിങ്ങാലക്കുട എക്സൈസ് റേഞ്ച് ഓഫീസിലെ സിവിൽ എക്സൈസ് ഓഫീസറുമായ പി.എം. ജദീർ ലഹരി വിരുദ്ധ ക്ലബ്ബിന്റെ ഉദ്ഘാടനവും ലഹരി വിമുക്ത ക്ലബ്ബ് നടത്തിയിട്ടുള്ള വിവിധ മത്സരങ്ങളിലെ വിജയികൾക്കുള്ള സമ്മാനദാനവും നിർവഹിച്ചു.
തുടർന്ന് സമകാലീന വിഷയങ്ങളിലൂന്നി “ലഹരിമുക്ത വിദ്യാലയം” എന്ന വിഷയത്തിൽ ബോധവൽക്കരണ ക്ലാസ് നൽകി.
സ്കൂൾ കുട്ടികൾക്ക് നേരിടേണ്ടിവരുന്ന വിവിധ പ്രശ്നങ്ങളും ലഹരിമാഫിയയുടെ വലയങ്ങളിൽ അകപ്പെടാതിരിക്കാനുള്ള മാർഗങ്ങളെക്കുറിച്ചും ക്ലാസ്സിൽ ചർച്ച ചെയ്തു.
തുടർന്ന് ചിത്രരചന പ്രദർശനവും ലഹരി വിരുദ്ധ പ്രസംഗവും സംഘടിപ്പിച്ചു.
61 വിദ്യാർഥികളും അധ്യാപകരും ക്ലാസ്സിൽ പങ്കെടുത്തു.
സീനിയർ അധ്യാപികയും എസ്.പി.ജി. കോർഡിനേറ്ററുമായ സുമൻ സ്വാഗതവും സ്കൂൾ കൗൺസിലർ പി.എസ്. ശ്രുതി നന്ദിയും പറഞ്ഞു.
Leave a Reply