ഇരിങ്ങാലക്കുട : മാലിന്യമുക്ത നവകേരളത്തിന്റെ ഭാഗമായി ഇരിങ്ങാലക്കുട നഗരസഭയിലെ മഹാത്മാ യു പി സ്കൂൾ പരിസരം, പൊറത്തിശ്ശേരി കണ്ടാരംതറ മൈതാനം, ഹെൽത്ത് സെന്റർ, മഹാത്മാ പാർക്ക്, റോഡിന്റെ ഇരു സൈഡിലും തള്ളപ്പെട്ട പ്ലാസ്റ്റിക് മാലിന്യങ്ങൾ എന്നിവ മാപ്രാണം ഹോളിക്രോസ് ഹയർ സെക്കന്ററി സ്കൂളിലെ എൻ എസ് എസ് സപ്തദിന സഹവാസ ക്യാമ്പിലെ വൊളൻ്റിയർമാർ ഹരിതകർമ്മ സേനയ്ക്ക് കൈമാറി.
പൊറത്തിശ്ശേരി മഹാത്മാ യു പി സ്കൂളിലാണ് ക്യാമ്പ് നടക്കുന്നത്.
ചടങ്ങിൽ വാർഡ് കൗൺസിലർ സി സി ഷിബിൻ, ഹരിതകർമ്മ സേനാംഗം ബിന്ദു, മഹാത്മാ യു പി സ്കൂൾ മാനേജർ സുശീതാംബരൻ, ഹെഡ്മിസ്ട്രസ് പി ജി ബിന്ദു, എൻ എസ് എസ് പ്രോഗ്രാം ഓഫീസർ ഗംഗ തുടങ്ങിയവർ സന്നിഹിതരായിരുന്നു.
തുടർന്ന് മാലിന്യമുക്ത നവകേരളത്തിനായി വൊളൻ്റിയർമാർ പ്രതിജ്ഞ എടുത്തു.
വരും ദിവസങ്ങളിൽ ലഹരി വിരുദ്ധ ബോധവൽക്കരണ പോസ്റ്ററുകൾ, വാഹനങ്ങളുടെ അമിത വേഗത നിയന്ത്രിക്കാനുള്ള പ്രചരണ പോസ്റ്ററുകൾ, കൊടുങ്ങല്ലൂർ – തൃശൂർ ഭാഗത്തേക്കുള്ള സൈൻ ബോർഡുകൾ സ്ഥാപിക്കൽ എന്നീ പ്രവർത്തനങ്ങൾ സംഘടിപ്പിക്കുമെന്ന് പ്രോഗ്രാം ഓഫീസർ ഗംഗ അറിയിച്ചു.
Leave a Reply