ഇരിങ്ങാലക്കുട : മുരിയാട് മണ്ഡലം കോൺഗ്രസ് നാലാം വാർഡ് കമ്മിറ്റിയുടെ മഹാത്മാഗാന്ധി കുടുംബ സംഗമം പാറേക്കാട്ടുകരയിൽ നടന്നു.
വാർഡ് പ്രസിഡൻ്റ് ബേബി ജോസഫ് കൂനൻ അധ്യക്ഷത വഹിച്ചു.
യോഗം കെ.പി.സി.സി. മുൻ ജനറൽ സെക്രട്ടറി എം.പി. ജാക്സൺ ഉദ്ഘാടനം ചെയ്തു.
യോഗത്തിൽ എസ്.എസ്.എൽ.സി., പ്ലസ്ടു പരീക്ഷകളിൽ ഉന്നത വിജയം നേടിയ വിദ്യാർഥികളെയും വിവാഹത്തിൻ്റെ 25-ാം വർഷം പൂർത്തിയാക്കിയ ദമ്പതികളെയും ആദരിച്ചു.
യൂത്ത് കോൺഗ്രസ് സംസ്ഥാന ജനറൽ സെക്രട്ടറി അഡ്വ. സുശീൽ ഗോപാൽ മുഖ്യാതിഥിയായിരുന്നു.
ബ്ലോക്ക് പ്രസിഡൻ്റ് സോമൻ ചിറ്റേത്ത്, മണ്ഡലം പ്രസിഡൻ്റ് സാജു പാറേക്കാടൻ, മുൻ ഡി.സി.സി. മെമ്പർ എൻ.എൽ. ജോൺസൺ, ബ്ലോക്ക് വൈസ് പ്രസിഡൻ്റുമാരായ ശ്രീജിത്ത് പട്ടത്ത്, വിബിൻ വെള്ളയത്ത്, സി.പി. ലോറൻസ്, ജിയോ കണ്ണങ്കുന്നി എന്നിവർ പ്രസംഗിച്ചു.
Leave a Reply