ഇരിങ്ങാലക്കുട : ടൗൺ സർവീസ് സഹകരണ ബാങ്കിൽ നടന്നു കൊണ്ടിരിക്കുന്ന അഴിമതിക്കും അനധികൃത സാമ്പത്തിക ഇടപാടിനും എതിരെ ബിജെപി ഇരിങ്ങാലക്കുട മണ്ഡലം കമ്മിറ്റി ബാങ്കിനു മുൻപിലേക്ക് മാർച്ച് നടത്തി.
മാർച്ച് ബിജെപി സൗത്ത് ജില്ലാ ജനറൽ സെക്രട്ടറി കെ.പി. ഉണ്ണികൃഷ്ണൻ ഉദ്ഘാടനം ചെയ്തു.
ഇരിങ്ങാലക്കുട മേഖലയിലെ സഹകാരികളുടെ കോടിക്കണക്കിന് രൂപ കൊള്ളയടിച്ച് ബാങ്കിനെ സാമ്പത്തികമായി പടുകുഴിയിലാക്കിയത് റിസർവ് ബാങ്ക് അന്വേഷണ സംഘത്തിൻ്റെ അന്വേഷണത്തിൽ കണ്ടെത്തിയതിനെ തുടർന്ന്
സഹകാരികളുടെ കോടികൾ വരുന്ന നിക്ഷേപം തകരാതിരിക്കാനും മറ്റൊരു കരുവന്നൂർ സർവ്വീസ് സഹകരണ ബാങ്കായി മാറാതിരിക്കാനും റിസർവ് ബാങ്ക് ചില പെരുമാറ്റചട്ടങ്ങൾ ബാങ്കിനായി കൊടുത്തിട്ടുണ്ട്.
ഈ പെരുമാറ്റ ചട്ടങ്ങൾ നടപ്പിൽ വരുത്തി ബാങ്കിനെ സംരക്ഷിക്കേണ്ടത് ഭരണാധികാരികളാണ്. ഇനിയും ഈ ബാങ്ക് സഹകാരികളെ വിശ്വാസത്തിൽ എടുത്ത് മുന്നോട്ട് പോയി നിക്ഷേപത്തുക നഷ്ടമാകാതിരിക്കാൻ നടപടി സ്വീകരിക്കണമെന്ന് കെ.പി. ഉണ്ണികൃഷ്ണൻ ആവശ്യപ്പെട്ടു.
ഇരിങ്ങാലക്കുട മണ്ഡലം പ്രസിഡൻ്റ് ആർച്ച അനീഷ് അധ്യക്ഷത വഹിച്ചു.
ജില്ലാ ജനറൽ സെക്രട്ടറി കൃപേഷ് ചെമ്മണ്ട, മണ്ഡലം സെക്രട്ടറി ടി.കെ. ഷാജു എന്നിവർ പ്രസംഗിച്ചു.
മണ്ഡലം ജനറൽ സെക്രട്ടറിമാരായ ഷൈജു കുറ്റിക്കാട് സ്വാഗതവും
വി.സി. രമേഷ് നന്ദിയും പറഞ്ഞു.
ജില്ലാ സെക്രട്ടറിമാരായ ശ്യാംജി, വിപിൻ, അജീഷ് പൈക്കാട്ട്, മണ്ഡലം ഭാരവാഹികളായ രമേഷ് അയ്യർ, സെബാസ്റ്റ്യൻ ചാലിശ്ശേരി, ജോജൻ കൊല്ലാട്ടിൽ, സൽഗു തറയിൽ, ഏരിയ പ്രസിഡൻ്റുമാരായ ലിഷോൺ ജോസ്, സൂരജ് കടുങ്ങാടൻ, നഗരസഭ കൗൺസിലർമാർ എന്നിവർ മാർച്ചിന് നേതൃത്വം നൽകി.
Leave a Reply