ഇരിങ്ങാലക്കുട : പൊറത്തിശ്ശേരി ചാക്കാലക്കൽ ബെന്നിയുടെ പറമ്പിൽ സൂക്ഷിച്ചിരുന്ന തുറന്നു കിടന്ന ടാർ വീപ്പയിൽ അകപ്പെട്ട നായ്ക്കുട്ടിക്ക് രക്ഷകരായി ഇരിങ്ങാലക്കുട അഗ്നിരക്ഷാസേന.
അബദ്ധവശാൽ തുറന്നു കിടന്ന ടാർ വിപ്പക്കുള്ളിൽ വീണ 3 മാസം പ്രായമുള്ള നായ്ക്കുട്ടി രണ്ടു ദിവസമായി പുറത്തു കടക്കാനാകാതെ പെട്ടു കിടക്കുകയായിരുന്നു.
നായ്ക്കുട്ടിയുടെ കരച്ചിൽ കേട്ട് ചെന്നുനോക്കിയ ബെന്നി ഉടൻ ഫയർഫോഴ്സിനെ വിവരമറിയിക്കുകയായിരുന്നു.
ഗ്രേഡ് അസിസ്റ്റൻ്റ് സ്റ്റേഷൻ ഓഫീസർ കെ.സി. സജീവിൻ്റെ നേതൃത്വത്തിൽ ടി.ടി. പ്രദീപ്, ടി.ബി. സതീഷ്, രാജിത്ത്, വി.ആർ. മഹേഷ്, സജിത്ത് എന്നിവർ സ്ഥലത്തെത്തി നായ്ക്കുട്ടിയെ ടാറിൽ നിന്നും വേർപ്പെടുത്തി ഡീസൽ ഉപയോഗിച്ച് കഴുകി മുറിവേറ്റ ഭാഗത്ത് മരുന്നു പുരട്ടി സുരക്ഷിതമാക്കി.
Leave a Reply