ഇരിങ്ങാലക്കുട : ഛത്തീസ്ഗഢിൽ കന്യാസ്ത്രീകൾക്കെതിരെ വ്യാജ പരാതിയിന്മേൽ കേസെടുത്ത് അറസ്റ്റ് ചെയ്ത് ജയിലിൽ അടച്ചതിൽ പ്രതിഷേധിച്ച് ഇരിങ്ങാലക്കുട ബ്ലോക്ക് കോൺഗ്രസ് കമ്മറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി.
ബ്ലോക്ക് കോൺഗ്രസ് പ്രസിഡൻ്റ് സോമൻ ചിറ്റേത്തിന്റെ നേതൃത്വത്തിൽ നടന്ന പ്രതിഷേധ പ്രകടനം ഡിസിസി ജനറൽ സെക്രട്ടറി ആന്റോ പെരുമ്പിള്ളി ഉദ്ഘാടനം ചെയ്തു.
മുൻ ബ്ലോക്ക് പ്രസിഡന്റ് ടി.വി. ചാർളി, ബ്ലോക്ക് സെക്രട്ടറിമാരായ വി.സി. വർഗ്ഗീസ്, സതീഷ് പുളിയത്ത്, മണ്ഡലം കോൺഗ്രസ് പ്രസിഡന്റ് അബ്‌ദുൾ ഹഖ്, യൂത്ത് കോൺഗ്രസ് നിയോജക മണ്ഡലം പ്രസിഡന്റ് സനൽ കല്ലൂക്കാരൻ എന്നിവർ ആശംസകൾ അർപ്പിച്ചു.
ബ്ലോക്ക് ഭാരവാഹികളായ ജോസഫ് ചാക്കോ, വിജയൻ ഇളയേടത്ത്, ബൈജു കുറ്റിക്കാടൻ, പി.എം. അബ്‌ദുൾ സത്താർ, ടി.ഐ. ബാബു, അഡ്വ. ഷിജു പാറേക്കാടൻ, ജോൺസൻ കൈനാടത്തുപറമ്പിൽ, പി.ബി. സത്യൻ, മണ്ഡലം കോൺഗ്രസ് പ്രസിഡൻ്റുമാരായ പി.കെ. ഭാസി, ബാബു തോമസ്, യൂത്ത് കോൺഗ്രസ് മണ്ഡലം പ്രസിഡന്റ് ജോമോൻ മണാത്ത് തുടങ്ങിയവർ നേതൃത്വം നൽകി.
Leave a Reply