ഇരിങ്ങാലക്കുട : പുല്ലൂറ്റ് ഗവ.കെ കെ ടി എം കോളെജിലെ എൻഎസ്എസ് യൂണിറ്റ്, സയൻസ് ഫോറം, കെ കെ ടി എം അലുമ്നി അസോസിയേഷൻ യു എ ഇ ചാപ്റ്റർ, നേച്ചർ ക്ലബ്ബ്, ഐക്യു എസി, ഭൂമിത്ര സേന ക്ലബ്ബ് എന്നിവയുടെ സംയുക്താഭിമുഖ്യത്തിൽ പരിസ്ഥിതി ദിനാചരണം സംഘടിപ്പിച്ചു.
ക്യാമ്പസിൽ വൃക്ഷത്തൈ നട്ടുകൊണ്ട് കോളെജ് പ്രിൻസിപ്പാൾ പ്രൊഫ (ഡോ) ടി കെ ബിന്ദു ശർമ്മിള പരിപാടി ഉദ്ഘാടനം ചെയ്തു.
ഭൂമിത്രസേന കോർഡിനേറ്റർ ഡോ കെ. സി.സൗമ്യ സ്വാഗതം ആശംസിച്ചു.
കോളെജ് പ്രിൻസിപ്പാൾ പരിസ്ഥിതി ദിന സന്ദേശം നൽകി.
മൈക്രോ പ്ലാസ്റ്റിക്കുകൾ പരിസ്ഥിതിയിൽ ഏല്പിക്കുന്ന ആഘാതത്തെക്കുറിച്ച് ബോട്ടണി വിഭാഗം അസി. പ്രൊഫ ആർ രാഗ പ്രഭാഷണം നടത്തി.
കെ കെ ടി എം അലുമ്നി അസോസിയേഷൻ യു എ ഇ ചാപ്റ്റർ നൽകിയ ഫലവൃക്ഷത്തെകൾ ക്യാമ്പസിൽ നട്ടു.
ഐക്യുഎസി കോർഡിനേറ്റർ ഡോ. ലൗലി ജോർജ്ജ്, ഫിസിക്സ് വിഭാഗം അസി. പ്രൊഫസർ ഡോ എൻ. പി ധന്യ, എൻ എസ് എസ് പ്രോഗ്രാം ഓഫീസർ ഡോ കെ.എ കൃഷ്ണകുമാർ എന്നിവർ സംസാരിച്ചു.
കെ കെ ടി എം അലുമ്നി അസോസിയേഷൻ യുഎഇ ചാപ്റ്റർ ജനറൽ സെക്രട്ടറി നജീബ് ഹമീദ്, അഷ്റഫ് കൊടുങ്ങല്ലൂർ, പി.എസ് ബാബു, സുമതി അച്യുതൻ, ബാബു കൊമ്പിടി തുടങ്ങിയവർ ചടങ്ങിൽ സംബന്ധിച്ചു.
എൻ എസ് എസ് വളണ്ടിയർമാരുടെ നേതൃത്വത്തിൽ ക്യാമ്പസ് ശുചീകരിച്ചു. തുടർന്ന് വൃക്ഷത്തൈകൾ നട്ടു.
Leave a Reply