ഇരിങ്ങാലക്കുട : കേരള കോൺഗ്രസ് വേളൂക്കര മണ്ഡലം സമ്മേളനം ആഗസ്റ്റ് 30ന് വൈകീട്ട് 3.30ന് കൊറ്റനല്ലൂർ പഞ്ചായത്ത് കമ്മ്യൂണിറ്റി ഹാളിൽ സംഘടിപ്പിക്കുമെന്ന് ജില്ലാ ജനറൽ സെക്രട്ടറി സിജോയ് തോമസ് പത്രസമ്മേളനത്തിൽ അറിയിച്ചു.
സമ്മേളനം ഡെപ്യൂട്ടി ചെയർമാൻ അഡ്വ. തോമസ് ഉണ്ണിയാടൻ ഉദ്ഘാടനം ചെയ്യും.
യോഗത്തിൽ മൺമറഞ്ഞ കേരള കോൺഗ്രസ് മുൻ വേളൂക്കര മണ്ഡലം പ്രസിഡൻ്റ് പി.എൽ. ജോർജ്ജ് പട്ടത്തുപറമ്പിലിനെ അനുസ്മരിക്കും.
തുടർന്ന് മണ്ഡലത്തിലെ മുതിർന്ന കേരള കോൺഗ്രസ് നേതാക്കളെയും വ്യത്യസ്ത തലങ്ങളിൽ പ്രാവീണ്യം തെളിയിച്ച വ്യക്തികളെയും ആദരിക്കും.
മണ്ഡലം പ്രസിഡൻ്റ് ജോൺസൺ കോക്കാട്ട്, ഓഫീസ് ചാർജ് സെക്രട്ടറി ബിജു തത്തംപിള്ളി, സീനിയർ വൈസ് പ്രസിഡൻ്റ് ജോൺസൺ തത്തംപിള്ളി എന്നിവരും പത്രസമ്മേളനത്തിൽ പങ്കെടുത്തു.
Leave a Reply