ഇരിങ്ങാലക്കുട : കേരള കോൺഗ്രസ്‌ ഇരിങ്ങാലക്കുട നിയോജക മണ്ഡലത്തിൽ നടത്തുന്ന 100 കുടുംബസംഗമങ്ങൾ ക്ക് തുടക്കം കുറിച്ച് ഒന്നാമത്തെ സംഗമം ആളൂരിൽ നടത്തി.
കുടുംബസംഗമങ്ങളുടെ നിയോജകമണ്ഡലംതല ഉദ്ഘാടനമാണ് ആളൂരിൽ ജോബി കുറ്റിക്കാടന്റെ വസതിയിൽ നടന്നത്.
ഒക്ടോബർ 12നാണ് കുടുംബസംഗമങ്ങൾ അവസാനിക്കുന്നത്.
സമാപന കുടുംബസംഗമം കാട്ടൂരിൽ അഷ്റഫ് പാലിയത്താഴത്തിന്റെ വസതിയിൽ നടക്കും.
ത്രിതല പഞ്ചായത്ത് തിരഞ്ഞെടുപ്പ്, നിയമസഭാ തിരഞ്ഞെടുപ്പ് എന്നിവയ്ക്ക് പാർട്ടി പ്രവർത്തകരെ സജ്ജമാക്കുക എന്നിവയാണ് കുടുംബ സംഗമങ്ങളുടെ ഉദ്ദേശമെന്ന് പാർട്ടി ഡെപ്യൂട്ടി ചെയർമാൻ അഡ്വ. തോമസ് ഉണ്ണിയാടൻ പറഞ്ഞു.
കുടുംബ സംഗമങ്ങളുടെ നിയോജക മണ്ഡലംതല ഉദ്ഘാടനം നിർവ്വഹിച്ചു സംസാരിക്കുകയായിരുന്നു അദ്ദേഹം.
ആളൂർ മണ്ഡലം പ്രസിഡന്റ് നൈജു ജോസഫ് ഊക്കൻ അധ്യക്ഷത വഹിച്ചു.
സംസ്ഥാന ജനറൽ സെക്രട്ടറി മിനി മോഹൻദാസ് ആമുഖപ്രഭാഷണം നടത്തി.
നിയോജക മണ്ഡലം പ്രസിഡന്റ് റോക്കി ആളൂക്കാരൻ, ഭാരവാഹികളായ സേതുമാധവൻ പറയംവളപ്പിൽ, ജോബി മംഗലൻ, ജോസ് അരിക്കാട്ട്, ജോർജ്ജ് കുറ്റിക്കാടൻ, തോമസ് തോട്ട്യാൻ, ജിബിൻ തോട്ട്യാൻ, ജോഷി ചക്കാലയ്ക്കൽ, ജേക്കബ്ബ് ചാവേരി, ജോർജ്ജ് മംഗലൻ, പോളി കുറ്റിക്കാടൻ, ജോഷി തോമസ്, ജോണി കുറ്റിക്കാടൻ, ജോബി കുറ്റിക്കാടൻ എന്നിവർ പ്രസംഗിച്ചു.
Leave a Reply