ഇരിങ്ങാലക്കുട : പ്രശസ്ത ബാലസാഹിത്യകാരൻ കെ.വി. രാമനാഥൻ്റെ രണ്ടാം ചരമ വാർഷികദിനാചരണവും കുട്ടികളുടെ സർഗ്ഗസംഗമം ആലവട്ടവും ഏപ്രിൽ 10ന് രാവിലെ 10 മണിക്ക് ഇരിങ്ങാലക്കുട മണ്ണാത്തിക്കുളം റോഡിലെ വാൾഡൻ പോണ്ട് ഹൗസിൽ സംഘടിപ്പിക്കും.
പ്രശസ്ത ചിത്രകാരൻ മോഹൻദാസ് കുട്ടികളുടെ സർഗ്ഗസംഗമം ഉദ്ഘാടനം ചെയ്യും.
വൈകീട്ട് 3.30ന് നടക്കുന്ന സമാപന സമ്മേളനത്തിൽ മന്ത്രി ഡോ. ആർ. ബിന്ദു അനുസ്മരണ പ്രഭാഷണം നടത്തും.
പ്രശസ്ത കൂടിയാട്ട കലാകാരൻ ഡോ. വേണുജി, അശോകൻ ചരുവിൽ, എം.എൻ. വിനയകുമാർ, കലാഭവൻ നൗഷാദ്, രേണു രാമനാഥ്, ഉദിമാനം അയ്യപ്പക്കുട്ടി, രാജൻ നെല്ലായി തുടങ്ങിയ എഴുത്തുകാരും കലാകാരന്മാരും പങ്കെടുക്കും.
വിവിധ ഭാഗങ്ങളിൽ നിന്നായി അറുപതോളം ബാല പ്രതിഭകൾ സർഗ്ഗസംഗമത്തിൽ അണിനിരക്കും.
Leave a Reply