ഇരിങ്ങാലക്കുട : ലഹരിക്കെതിരെ ബോധവൽക്കരണവും പഴയകാല അനുഭവങ്ങൾ പങ്കുവെക്കുന്നതിനുമായി കുരുന്നു കുട്ടികൾക്കൊപ്പം നാളെ ഏപ്രിൽ 11ന് അവരുടെ മുത്തശ്ശിമാരും മുത്തശ്ശന്മാരും ഇരിങ്ങാലക്കുട നാഷണൽ സ്കൂളിലെത്തും.
ഇരിങ്ങാലക്കുട നാഷണൽ ഹയർ സെക്കൻ്ററി സ്കൂളിലെ യു.പി. വിഭാഗം കുട്ടികൾക്കൊപ്പമാണ് അവരുടെ മുത്തശ്ശിമാരും മുത്തശ്ശന്മാരും നാളെ വിദ്യാലയത്തിൽ ഒത്തുകൂടുന്നത്.
കൂടാതെ വയോജനങ്ങളുടെ കലാപരിപാടികളും കുട്ടികൾക്കു മുന്നിൽ അവതരിപ്പിക്കും.
ചടങ്ങിൽ നന്മയുടെ പ്രതീകങ്ങളായ മുത്തശ്ശിമുത്തശ്ശന്മാരെ സ്കൂൾ മാനേജ്മെൻ്റ് ആദരിക്കും.
നഗരസഭാ കൗൺസിലർ സ്മിത കൃഷ്ണകുമാർ അധ്യക്ഷത വഹിക്കും.
നഗരസഭാ ചെയർപേഴ്സൺ
മേരിക്കുട്ടി ജോയ് ഉദ്ഘാടനം ചെയ്യും.
പ്രൊഫ. സാവിത്രി ലക്ഷ്മണൻ മുഖ്യപ്രഭാഷണം നടത്തും.
Leave a Reply