ഇരിങ്ങാലക്കുട : കാറളം പഞ്ചായത്തിൻ്റെ നേതൃത്വത്തിൽ ആരംഭിച്ച കുംഭ വിത്ത് മേള കാറളം കൃഷിഭവനിൽ വെച്ച് പഞ്ചായത്ത് പ്രസിഡന്റ് കെ.കെ. ശിവൻകുട്ടി ഉദ്ഘാടനം ചെയ്തു.
വൈസ് പ്രസിഡന്റ് പ്രിയ സുനിൽ അധ്യക്ഷത വഹിച്ചു.
മെമ്പർമാരായ പ്രീത, പ്രിയ, ഇരിങ്ങാലക്കുട കൃഷി അസിസ്റ്റന്റ് ഡയറക്ടർ ഫാജിത റഹ്മാൻ എന്നിവർ ആശംസകൾ അർപ്പിച്ചു.
മെമ്പർമാരായ വിജിൽ, പ്രദീപ്, അഞ്ജു എന്നിവർ പങ്കെടുത്തു.
കൃഷി ഓഫീസർ അനഘ വി. ഗോപാൽ സ്വാഗതവും കൃഷി അസിസ്റ്റന്റ് അക്ഷയ് കുമാർ നന്ദിയും പറഞ്ഞു.
കുംഭവിത്ത് മേളയോടനുബന്ധിച്ച് ഇരിങ്ങാലക്കുട കാർഷിക സേവന കേന്ദ്രം ഉൽപ്പാദിപ്പിക്കുന്ന ഉത്പന്നങ്ങളുടെ വിപണനമാണ് നടത്തുന്നത്.
കാർഷിക സർവ്വകലാശാല ഉൽപ്പാദിപ്പിക്കുന്ന ജൈവ കീട/കുമിൾനാശിനികൾ (സ്യൂഡോമോണാസ്, ബുവേറിയ, വെറുടിസിലിയം, മൈകോറിസ), കിഴങ്ങ് വിത്തുകൾ, പച്ചക്കറിത്തൈകൾ, പച്ചക്കറി വിത്തുകൾ, ഫലവൃക്ഷ തൈകൾ, വളക്കൂട്ടുകൾ, ജൈവകൃഷി ഉൽപന്നങ്ങൾ, കീടരോഗ നിയന്ത്രണ ഉൽപന്നങ്ങൾ എന്നിവയും മേളയിൽ വിലപ്പനയ്ക്കുണ്ട്.
Leave a Reply