ഇരിങ്ങാലക്കുട : വിശ്വാസത്തിന്റെയും, ഭക്തിയുടെയും, സാമൂഹ്യ സേവനത്തിന്റെയും 40 വര്‍ഷങ്ങളെ അനുസ്മരിച്ചുകൊണ്ട് കല്ലംകുന്ന് സെന്റ് സെബാസ്റ്റ്യന്‍സ് ദേവലയത്തിന്റെ റൂബി ജൂബിലി വര്‍ഷം ഇരിങ്ങാലക്കുട രൂപത വികാരി ജനറാള്‍ മോണ്‍. വില്‍സണ്‍ ഈരത്തറ ഉദ്ഘാടനം ചെയ്തു.
റൂബി ജൂബിലി വര്‍ഷത്തിന്റെ ലോഗോയും വാര്‍ഷിക പദ്ധതിയും വികാരി ഫാ. അനൂപ് കോലങ്കണ്ണിയും പ്രോഗ്രാം ജനറല്‍ കണ്‍വീനര്‍ ഷിജോ നെടുംപറമ്പിലും ചേര്‍ന്ന് വികാരി ജനറാളില്‍ നിന്ന് ഏറ്റുവാങ്ങി.
വാര്‍ഷിക പദ്ധതിയില്‍ വിശ്വാസത്തിന്റെയും സേവനത്തിന്റെയും 40 വര്‍ഷത്തെ സ്മരണയ്ക്കായി 40 പരിപാടികളും പ്രവര്‍ത്തനങ്ങളും ഉള്‍പ്പെടുത്തിയിട്ടുണ്ട്.
ഈ പദ്ധതിയില്‍ ആത്മീയ ഒത്തുചേരലുകള്‍, കമ്മ്യൂണിറ്റി ഔട്ട്‌റീച്ച് പ്രോഗ്രാമുകള്‍, സാംസ്‌കാരിക പരിപാടികള്‍, പ്രത്യേക നന്ദി ശുശ്രൂഷകള്‍ എന്നിവ ഉള്‍പ്പെടും.
ഒരു വര്‍ഷം നീണ്ടുനില്‍ക്കുന്ന ആഘോഷത്തിലൂടെ, വിശ്വാസം ശക്തിപ്പെടുത്തുക, കൂട്ടായ്മ വളര്‍ത്തുക, നിലനില്‍ക്കുന്ന ഓര്‍മ്മകള്‍ സൃഷ്ടിക്കുക എന്നിവയാണ് ഇത് ലക്ഷ്യമിടുന്നത്.
ഫാ. അനൂപ് കോലങ്കണ്ണി, ജനറല്‍ കണ്‍വീനര്‍ ഷിജു നെടുംപറമ്പില്‍ എന്നിവരുടെ നേതൃത്വത്തില്‍ വിപുലമായ പരിപാടികളാണ് ആസൂത്രണം ചെയ്തിരിക്കുന്നത്.
Leave a Reply