ഇരിങ്ങാലക്കുട : ഛത്തീസ്ഗഢിൽ കന്യാസ്ത്രീകളെ അപമാനിക്കുകയും കള്ളക്കേസിൽ കുടുക്കുകയും ചെയ്ത ബജ്രംഗ്ദൾ തീവ്രവാദികൾക്കെതിരെ
ശക്തമായ ശിക്ഷാ നടപടി സ്വീകരിക്കണമെന്ന് കേരള കോൺഗ്രസ്‌ ഡെപ്യൂട്ടി ചെയർമാൻ അഡ്വ. തോമസ് ഉണ്ണിയാടൻ ആവശ്യപ്പെട്ടു.
ഇതിന് കൂട്ടുനിൽക്കുന്ന ഛത്തീസ്ഗഢ് സർക്കാരും പൊലീസും കടുത്ത ക്രൂരതയാണ് ചെയ്തിട്ടുള്ളത്. ജയിലിലടക്കപ്പെട്ട കന്യാസ്ത്രീകളെ ഉടൻ വിട്ടയക്കണമെന്നും ഉണ്ണിയാടൻ ആവശ്യപ്പെട്ടു.
കേരള കോൺഗ്രസ്സിന്റെ സംസ്ഥാന തല പ്രതിഷേധ ധർണ്ണയുടെ ഭാഗമായി ഇരിങ്ങാലക്കുടയിൽ നടത്തിയ ധർണ്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംസ്ഥാന സ്റ്റിയറിംഗ് കമ്മിറ്റി അംഗം റോക്കി ആളൂക്കാരൻ അധ്യക്ഷത വഹിച്ചു.
സംസ്ഥാന ജനറൽ സെക്രട്ടറി മിനി മോഹൻദാസ് മുഖ്യപ്രഭാഷണം നടത്തി.
ഭാരവാഹികളായ സേതുമാധവൻ പറയംവളപ്പിൽ, പി.ടി. ജോർജ്ജ്, സതീഷ് കാട്ടൂർ, ലിംസി ഡാർവിൻ, എം.എസ്. ശ്രീധരൻ മുതിരപ്പറമ്പിൽ, ഫിലിപ്പ് ഓളാട്ടുപുറം, അഷ്റഫ് പാലിയത്താഴത്ത്, എ.ഡി. ഫ്രാൻസിസ്, നൈജു ജോസഫ് ഊക്കൻ, വിനോദ് ചേലൂക്കാരൻ, യോഹന്നാൻ കോമ്പാറക്കാരൻ, ലാസർ കോച്ചേരി, ജോസ് തട്ടിൽ, മോഹനൻ ചാക്കേരി, ആർതർ വിൻസെന്റ് ചക്കാലയ്ക്കൽ, ലാലു വിൻസെന്റ് പള്ളായി, ബീന വാവച്ചൻ, ലില്ലി തോമസ്, ആന്റോൺ പറോക്കാരൻ, റാണി കൃഷ്ണൻ, സി.ആർ. മണികണ്ഠൻ, വാവച്ചൻ അക്കരക്കാരൻ എന്നിവർ പ്രസംഗിച്ചു.
Leave a Reply