ഇരിങ്ങാലക്കുട : മുകുന്ദപുരം താലൂക്ക് എൻ.എസ്.എസ്. യൂണിയൻ്റെ ആഭിമുഖ്യത്തിൽ അത്തം നാളിൽ നടത്തിയ പൂക്കളമത്സരത്തിൽ കൊരട്ടി മേഖലയിലെ കാടുകുറ്റി കരയോഗം ജേതാക്കളായി. 7500 രൂപയും ഫലകവും സർട്ടിഫിക്കറ്റുമാണ് സമ്മാനം.
രണ്ടാം സ്ഥാനം കരസ്ഥമാക്കിയ കോടാലി മേഖലയിലെ കുറ്റിച്ചിറ കരയോഗത്തിനാണ് 5000 രൂപയും ഫലകവും സർട്ടിഫിക്കറ്റും മൂന്നാമതെത്തിയ കുഴൂർ മേഖലയിലെ ഐരാണിക്കുളം കരയോഗത്തിന് 2500 രൂപയും ഫലകവും സർട്ടിഫിക്കറ്റും സമ്മാനമായി നൽകി.
പങ്കെടുത്ത മുഴുവൻ കരയോഗങ്ങൾക്കും പ്രോത്സാഹന സമ്മാനമായി ക്യാഷ് അവാർഡ് നൽകി.
താലൂക്ക് യൂണിയൻ ചെയർമാൻ അഡ്വ. ഡി. ശങ്കരൻകുട്ടി സമ്മാനങ്ങൾ വിതരണം ചെയ്തു.
യൂണിയൻ സെക്രട്ടറി എസ്. കൃഷ്ണകുമാർ സ്വാഗതവും യൂണിയൻ കമ്മിറ്റി അംഗം നന്ദൻ പറമ്പത്ത് നന്ദിയും പറഞ്ഞു.
പ്രോഗ്രാം കോർഡിനേറ്റർ ആർ. ബാലകൃഷ്ണൻ, യൂണിയൻ കമ്മിറ്റി അംഗങ്ങളായ സുനിൽ കെ. മേനോൻ, എ.ജി. മണികണ്ഠൻ, സി. വിജയൻ, പി.ആർ. അജിത്കുമാർ, എൻ. ഗോവിന്ദൻകുട്ടി, രവി കണ്ണൂർ, കെ. രാജഗോപാലൻ, പ്രതിനിധി സഭാംഗങ്ങളായ സി.ബി. രാജൻ, എസ്. ഹരീഷ്കുമാർ, കെ.ആർ. മോഹനൻ, കെ.ബി. ശ്രീധരൻ, യൂണിയൻ ഇലക്ട്രറൽ റോൾ മെമ്പർ എം. ശ്രീകുമാർ, വനിതാ യൂണിയൻ വൈസ് പ്രസിഡൻ്റ് ചന്ദ്രിക സുരേഷ്, അംഗങ്ങളായ സ്മിത ജയകുമാർ, ശ്രീദേവി മേനോൻ, രമ ശിവൻ, മായ നന്ദകുമാർ, യൂണിയൻ ഇൻസ്പെക്ടർ ബി. രതീഷ് തുടങ്ങിയവർ പങ്കെടുത്തു.
Leave a Reply