ഇരിങ്ങാലക്കുട : “എമ്പുരാൻ” എന്ന സിനിമയ്ക്ക് കത്രിക വെച്ചത് ആവിഷ്കാര സ്വാതന്ത്ര്യത്തിനെതിരെ ബി.ജെ.പി. നടത്തി വരുന്ന ഫാസിസ്റ്റ് നയമാണെന്ന് സി.പി.ഐ. സംസ്ഥാന കൗൺസിൽ അംഗം അഡ്വ. വി. എസ്. സുനിൽകുമാർ അഭിപ്രായപ്പെട്ടു.
പടിയൂരിലെ കമ്മ്യൂണിസ്റ്റ് പാർട്ടിയുടെ സമുന്നത നേതാവായിരുന്ന വി.വി. രാമൻ ദിനവും പടിയൂർ ലോക്കൽ സമ്മേളനത്തോടനുബന്ധിച്ച് നടത്തിയ പൊതുസമ്മേളനവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ചരിത്രത്തെ വളച്ചൊടിക്കാനും ഗുജറാത്ത് കലാപത്തിൽ ബി.ജെ.പി.യെയും നരേന്ദ്രമോദിയെയും വെള്ളപൂശാനുമാണ് സംഘപരിവാർ ഭരണകൂടം ശ്രമിക്കുന്നതെന്നും അദ്ദേഹം കൂട്ടിച്ചേർത്തു.
സി.പി.ഐ. മണ്ഡലം കമ്മിറ്റി അംഗം
കെ.വി. രാമകൃഷ്ണൻ അധ്യക്ഷത വഹിച്ചു.
മുതിർന്ന നേതാവ് കെ. ശ്രീകുമാർ, സി.പി.ഐ. ജില്ലാ എക്സിക്യൂട്ടീവ് അംഗങ്ങളായ ടി.കെ. സുധീഷ്, കെ.എസ്. ജയ, സി.പി.ഐ. മണ്ഡലം സെക്രട്ടറി പി. മണി, അസി. സെക്രട്ടറി എൻ.കെ. ഉദയപ്രകാശ്, ജില്ലാ കൗൺസിൽ അംഗങ്ങളായ ബിനോയ് ഷബീർ, അനിത രാധാകൃഷ്ണൻ, മണ്ഡലം കമ്മിറ്റി അംഗം ബാബു ചിങ്ങാരത്ത്, വെള്ളാങ്ങല്ലൂർ ബ്ലോക്ക് പ്രസിഡന്റ് സുധ ദിലീപ്, മരുളി മണക്കാട്ടുംപടി എന്നിവർ പ്രസംഗിച്ചു.
വി.ആർ. രമേഷ് സ്വാഗതവും, ടി.വി. വിബിൻ നന്ദിയും പറഞ്ഞു.
Leave a Reply