ഇരിങ്ങാലക്കുട : ലിറ്റിൽ ഫ്ളവർ എൽ.പി. സ്കൂളിൽ പരിസ്ഥിതി ദിനം ആചരിച്ചു.
സീഡ് ബോൾ നൽകി കൊണ്ടാണ് കുട്ടികൾ വിശിഷ്ടാതിഥികളെ സ്വീകരിച്ചത്.
മുൻ പി.ടി.എ. പ്രസിഡന്റും കൗൺസിലറുമായിരുന്ന പി.വി. ശിവകുമാർ നൃക്ഷത്തൈ നട്ടു കൊണ്ട് ചടങ്ങ് ഉദ്ഘാടനം ചെയ്തു.
“പ്ലാസ്റ്റിക് ഉപയോഗവും അതുമൂലം പരിസ്ഥിതിക്ക് ഉണ്ടാകുന്ന ദോഷങ്ങളും” എന്ന വിഷയത്തിൽ അദ്ദേഹം കുട്ടികൾക്ക് സന്ദേശം നൽകി.
സ്കൂൾ ജൈവ വൈവിധ്യ മാഗസിൻ സ്കൂൾ ഹെഡ്മിസ്ട്രസ് സി. റിനറ്റ് പി.വി. ശിവകുമാറിന് നൽകി പ്രകാശനം ചെയ്തു.
തുടർന്ന് പരിസ്ഥിതി ദിനത്തിന്റെ പ്രാധാന്യം വിളിച്ചോതുന്ന കുട്ടികളുടെ കലാപരിപാടികൾ അരങ്ങേറി.
സ്കൂൾ ഹെഡ്മിസ്ട്രസ് സി. റിനറ്റ്, സി. ആൽഫിൻ, റെനി ആന്റണി എന്നിവർ പ്രസംഗിച്ചു.
Leave a Reply