ഇരിങ്ങാലക്കുട ഗവ ഗേൾസ് ഹയർ സെക്കൻഡറി സ്കൂളിൽ പൈതൃക മതിൽ ഒരുങ്ങി

ഇരിങ്ങാലക്കുട : ഗവ ഗേൾസ് ഹയർ സെക്കൻഡറി സ്കൂളിന്റെ പൈതൃക മതിൽ മന്ത്രി ഡോ ആർ ബിന്ദു ഉദ്ഘാടനം ചെയ്തു.

പ്രൊഫ കെ യു അരുണൻ എം എൽ എ യുടെ 2018-19ലെ ആസ്‌തി വികസന ഫണ്ടിൽ നിന്ന് 48 ലക്ഷം രൂപ വിനിയോഗിച്ച് തൃശൂർ കേരള സംസ്ഥാന നിർമ്മിതി കേന്ദ്രം നേതൃത്വം നൽകിയാണ് മതിൽ നിർമ്മാണം പൂർത്തീകരിച്ചത്.

ഇരിങ്ങാലക്കുട നഗരസഭ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്സൺ അഡ്വ ജിഷ ജോബി അധ്യക്ഷത വഹിച്ചു.

യോഗത്തിൽ മുൻ എം എൽ എ പ്രൊഫ കെ യു അരുണൻ മുഖ്യാതിഥിയായി.

ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ സി സി ഷിബിൻ, ആരോഗ്യകാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ അംബിക പള്ളിപ്പുറത്ത്, പൊതുമരാമത്ത് സ്റ്റാൻ്റിംഗ് കമ്മിറ്റി ചെയർമാൻ ജയ്സൺ പാറേക്കാടാൻ, വാർഡ് കൗൺസിലർ ഒ എസ് അവിനാഷ്, കൗൺസിലർമാരായ സോണിയ ഗിരി, സന്തോഷ് ബോബൻ, സംസ്ഥാന നിർമ്മിതി കേന്ദ്രം എൻജിനീയർ നിമ, സ്കൂൾ പി ടി എ പ്രസിഡൻ്റ് പി കെ അനിൽകുമാർ, എസ് എം സി ചെയർമാൻ എ വി ഷൈൻ, വി എച്ച് എസ് എസ് വിഭാഗം സീനിയർ അധ്യാപിക സനില, ഹൈസ്കൂൾ വിഭാഗം മുൻ അധ്യാപിക ലേഖ എന്നിവർ പ്രസംഗിച്ചു.

യോഗത്തിൽ പൈതൃക മതിൽ സമയബന്ധിതമായി പൂർത്തീകരിച്ച കോൺട്രാക്ട‌ർ ബോസ് തോമസിന് സ്‌കൂളിൻ്റെ സ്നേഹോപഹാരം നൽകി മന്ത്രി ഡോ ആർ ബിന്ദു ആദരിച്ചു.

സ്‌കൂളിൻ്റെ പേരുള്ള ബോർഡ് സ്ഥാപിക്കുന്നതിനുള്ള ചെലവ് മുൻ അധ്യാപിക ലേഖ ടീച്ചർ സ്കൂൾ അധികൃതർക്ക് കൈമാറി.

പ്രിൻസിപ്പൽ ബിന്ദു പി ജോൺ സ്വാഗതവും ഹെഡ്മിസ്ട്രസ് കെ എസ് സുഷ നന്ദിയും പറഞ്ഞു.