ഇരിങ്ങാലക്കുട : ലെജന്റ്സ് ഓഫ് ഇരിങ്ങാലക്കുടയുടെ ആഭിമുഖ്യത്തില്‍ അവിട്ടത്തൂരില്‍ ആറ് നിർധന കുടുംബങ്ങള്‍ക്ക് സൗജന്യമായി നിര്‍മ്മിച്ച് നല്‍കുന്ന ഭവന സമുച്ചയത്തിന്റെ തറക്കല്ലിടല്‍ കര്‍മ്മം ഇരിങ്ങാലക്കുട രൂപത മെത്രാന്‍ മാര്‍ പോളി കണ്ണൂക്കാടന്‍ നിര്‍വ്വഹിച്ചു.
രൂപത വികാരി ജനറാള്‍മാരായ മോണ്‍. ജോസ് മാളിയേക്കല്‍, മോണ്‍. വിന്‍സന്റ് ഈരത്തറ, അവിട്ടത്തൂര്‍ ഇടവക വികാരി ഫാ. റെനില്‍ കാരാത്ര, ഫാ. ജോര്‍ജി തേലപ്പിള്ളി എന്നിവര്‍ സഹകാര്‍മ്മികരായിരുന്നു.
മുന്‍ ഗവ. ചീഫ് വിപ്പ് അഡ്വ. തോമസ് ഉണ്ണിയാടന്‍, ഇരിങ്ങാലക്കുട നഗരസഭ ചെയര്‍പേഴ്സണ്‍ മേരിക്കുട്ടി ജോയ് എന്നിവര്‍ വിശിഷ്ടാതിഥികളായി.
സാമൂഹ്യ ജീവകാരുണ്യ പ്രവര്‍ത്തകന്‍ ജോണ്‍സൺ കോലങ്കണ്ണി, ഇന്നസെന്റ് സോണറ്റ്, ഇരിങ്ങാലക്കുട നഗരസഭ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ ഫെനി എബിന്‍ വെള്ളാനിക്കാരന്‍, വേളൂക്കര പഞ്ചായത്തംഗം ബിബിന്‍ തുടിയത്ത്, വേളൂക്കര മണ്ഡലം കോണ്‍ഗ്രസ്സ് പ്രസിഡന്റ് ശശികുമാര്‍ ഇടപ്പുഴ, ജെയ്സണ്‍ പേങ്ങിപറമ്പില്‍ എന്നിവര്‍ സംസാരിച്ചു.
ഭവന സമുച്ചയ നിര്‍മ്മാണ ജനറൽ കണ്‍വീനര്‍ ഷാജന്‍ ചക്കാലക്കല്‍ സ്വാഗതവും, ലെജന്റ്സ് ഓഫ് ഇരിങ്ങാലക്കുട പ്രസിഡന്റ് ലിയോ താണിശ്ശേരിക്കാരന്‍ നന്ദിയും പറഞ്ഞു.
Leave a Reply