ഇരിങ്ങാലക്കുട : കരുവന്നൂർ ബാങ്കിൻ്റെ പൊറത്തിശ്ശേരി ബ്രാഞ്ചിൽ നിക്ഷേപ തുക തിരികെ ലഭിക്കാത്തതിൽ പ്രതിഷേധിച്ച് വയോധികനായ കൂത്തുപാലക്കൽ സുരേഷ് ബാങ്കിൻ്റെ ബ്രാഞ്ചിൽ പെട്രോൾ ഒഴിച്ച് പ്രതികരിച്ചപ്പോൾ അദ്ദേഹത്തെ ബിജെപി, ആർഎസ്എസ് പ്രവർത്തകനായി ചിത്രീകരിച്ചുകൊണ്ട് സിപിഎം നടത്തുന്ന കുപ്രചരണങ്ങൾക്കെതിരെ ബിജെപി പൊറത്തിശ്ശേരി ഏരിയ കമ്മറ്റി പ്രതിഷേധപ്രകടനം നടത്തി.
കണ്ടാരംതറയിൽ നടന്ന പ്രതിഷേധയോഗം ബിജെപി സംസ്ഥാന കമ്മറ്റി അംഗം സന്തോഷ് ചെറാക്കുളം ഉദ്ഘാടനം ചെയ്തു.
പൊറത്തിശ്ശേരി ഏരിയ പ്രസിഡൻ്റ് സൂരജ് കടുങ്ങാടൻ അധ്യക്ഷത വഹിച്ചു.
നേതാക്കളായ ടി.കെ. ഷാജു, സിന്ധു സതീഷ്, വി.സി. രമേശ്, എം.വി. സുരേഷ്, ഷിയാസ് പാളയംകോട്, ജോജൻ കൊല്ലാട്ടിൽ, വത്സല നന്ദൻ, സൂരജ് നമ്പിയങ്കാവ്, സന്തോഷ് കാര്യാടൻ, ചന്ദ്രൻ അമ്പാട്ട്, രാധാകൃഷ്ണൻ കിളിയന്ത്ര തുടങ്ങിയവർ നേതൃത്വം നൽകി.
Leave a Reply