ഇരിങ്ങാലക്കുട : ശ്രീ സംഗമേശ്വര റസിഡൻ്റ്സ് അസോസിയേഷൻ്റെ 20-ാം വാർഷികം ആഘോഷിച്ചു.
സമ്മേളനം നഗരസഭ ചെയർപേഴ്സൺ മേരിക്കുട്ടി ജോയ് ഉദ്ഘാടനം ചെയ്തു.
അസോസിയേഷൻ പ്രസിഡന്റ് സേതുമാധവൻ നമ്പ്യാർ അധ്യക്ഷത വഹിച്ചു.
യു ആർ എഫ് വേൾഡ് റെക്കോർഡ് ജേതാക്കളായ കൈകൊട്ടിക്കളി കലാകാരി അണിമംഗലത്ത് സാവിത്രി അന്തർജ്ജനം, ഇടയ്ക്ക കലാകാരൻ സലീഷ് നനദുർഗ്ഗ, ഗണിത ശാസ്ത്രജ്ഞൻ ടി എൻ രാമചന്ദ്രൻ, കൂടിയാട്ടം കലാകാരി ഡോ അപർണ്ണ നങ്ങ്യാർ എന്നിവരെയും സപ്തതി തികഞ്ഞ അസോസിയേഷൻ കുടുംബാംഗങ്ങളെയും ചടങ്ങിൽ ആദരിച്ചു.
വാർഡ് കൗൺസിലർമാരായ സന്തോഷ് ബോബൻ, സ്മിത കൃഷ്ണകുമാർ, സുജ സഞ്ജീവ്കുമാർ എന്നിവർ ആശംസകൾ നേർന്നു.
2023- 24 വർഷത്തിൽ പഠനത്തിൽ ഉയർന്ന മാർക്ക് നേടിയ വിദ്യാർഥികൾക്കും കലാകായിക മത്സരങ്ങളിൽ വിജയിച്ചവർക്കും സമ്മാനങ്ങൾ വിതരണം ചെയ്തു.
സെക്രട്ടറി മണി മേനോൻ ആന്തപ്പിള്ളി സ്വാഗതവും വൈസ് പ്രസിഡന്റ് ഹരികുമാർ തളിയക്കാട്ടിൽ നന്ദിയും പറഞ്ഞു.
തുടർന്ന് അസോസിയേഷൻ കുടുംബാംഗങ്ങൾ അവതരിപ്പിച്ച കലാപരിപാടികൾ അരങ്ങേറി.
