ഇരിങ്ങാലക്കുട : കടുപ്പശ്ശേരി ശ്രീ മഹാവിഷ്ണു ക്ഷേത്രത്തിലെ ബാലാലയ പ്രതിഷ്ഠാദിന മഹോത്സവം ഫെബ്രുവരി 2, 3 തീയ്യതികളിൽ നടക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.
ഫെബ്രുവരി 3ന് രാവിലെ 8 മണിക്ക് കടുപ്പശ്ശേരി സെൻ്ററിൽ നിന്നും ആരംഭിക്കുന്ന എഴുന്നള്ളിപ്പിനെ തുടർന്ന് 9.30ന് ആചാരാനുഷ്ഠാനങ്ങളോടുകൂടി ക്ഷേത്രം തന്ത്രി എക്കോട്ട് ഇല്ലത്ത് സൂര്യനാരായണൻ നമ്പൂതിരി പുന:പ്രതിഷ്ഠാ ചടങ്ങ് നിർവ്വഹിക്കും.
ഉച്ചയ്ക്ക് 12 മണിക്ക് പ്രസാദഊട്ട് ഉണ്ടായിരിക്കും.
വൈകീട്ട് 6.30ന് ആരംഭിക്കുന്ന സമാപന പൊതുസമ്മേളനത്തിൽ മിമിക്രി ആർട്ടിസ്റ്റ് കലാഭവൻ മണികണ്ഠൻ മുഖ്യാതിഥിയാകും.
തുടർന്ന് കച്ചേരിപ്പടി ശ്രീദുർഗ്ഗ തിരുവാതിരസംഘം അവതരിപ്പിക്കുന്ന തിരുവാതിരക്കളിയും ശ്രീഭദ്ര കടുപ്പശ്ശേരി, മൈഥിലി കടുപ്പശ്ശേരി എന്നിവർ അവതരിപ്പിക്കുന്ന കൈകൊട്ടിക്കളിയും അരങ്ങേറും.
പ്രസിഡന്റ് ജിജ്ഞാസ് മോഹൻ കിഴുവാട്ടിൽ, സെക്രട്ടറി രാജൻ ഇഞ്ചിപ്പുല്ലുവളപ്പിൽ, ക്ഷേത്രം തന്ത്രി എക്കോട്ട് ഇല്ലത്ത് സൂര്യനാരായണൻ നമ്പൂതിരി, രക്ഷാധികാരികളായ രാമചന്ദ്രൻ തവളക്കുളങ്ങര, ഹരി നക്കര എന്നിവർ പത്രസമ്മേളനത്തിൽ പങ്കെടുത്തു.
