IRINJALAKUDA TIMES
ഇരിങ്ങാലക്കുട : കർഷക കോൺഗ്രസ്സ് ഇരിങ്ങാലക്കുട നിയോജക മണ്ഡലത്തിൻ്റെ ആഭിമുഖ്യത്തിൽ കർഷകർക്ക് വിഷുക്കൈനീട്ടം പരിപാടി സംഘടിപ്പിച്ചു.
കർഷക കോൺഗ്രസ്സ് ഇരിങ്ങാലക്കുട നിയോജക മണ്ഡലം പ്രസിഡൻ്റ് പ്രവീൺസ് ഞാറ്റുവെട്ടി അദ്ധ്യക്ഷത വഹിച്ചു.
കർഷക കോൺഗ്രസ്സ് സംസ്ഥാന കമ്മറ്റി അംഗം ജോമി ജോൺ ഉദ്ഘാടനം നിർവ്വഹിച്ചു.
ജില്ലാ സെക്രട്ടറി കെ.ബി. ശ്രീധരൻ മുഖ്യ പ്രഭാഷണം നടത്തി.
ദേവദാസ് കാട്ടൂർ, ഭാസി കാരപ്പറമ്പിൽ, സന്തോഷ് ആലുക്ക എന്നിവർ സംസാരിച്ചു.
റോയ് പൊറത്തുക്കാരൻ സ്വാഗതവും പി. ഭാസ്കരൻ നന്ദിയും പറഞ്ഞു.
ഇരിങ്ങാലക്കുട : കാട്ടൂർ ഇല്ലിക്കാട് മുനവ്വിറുൽ ഹുദാ മദ്രസയിൽ മുഅല്ലിമായി ജോലി ചെയ്തിരുന്ന ഹംസ ഉസ്താദിന് യാത്രയയപ്പും മഹല്ല് കമ്മിറ്റിയുടെ ആഭിമുഖ്യത്തിൽ ഒന്നാം ക്ലാസ്സിലെ കുട്ടികൾക്ക് പഠന സാമഗ്രികളുടെ വിതരണവും നടത്തി.
മഹല്ല് ഖത്തീബ് അബ്ബാസ് മിസ്ബാഹാ പ്രാർത്ഥന നടത്തി.
മഹല്ല് സെക്രട്ടറി പി.എം. റിയാസ് അധ്യക്ഷത വഹിച്ചു.
വൈസ് പ്രസിഡന്റ് എ.എസ്. ഹൈദ്രോസ് ഉദ്ഘാടനം ചെയ്തു.
യോഗത്തിൽ ഇല്ലിക്കാട് സംസം ചാരിറ്റബിൾ കമ്മിയുടെ നേതൃത്വത്തിൽ മദ്രസ്സ വിദ്യാർഥികൾക്ക് ടെക്സ്റ്റ് ബുക്കും നോട്ട് ബുക്കും വിതരണം ചെയ്തു.
മഹല്ല് ട്രഷറർ ഖാദർ, മഹല്ല് ജോ. സെക്രട്ടറി ഇ.കെ. കബീർ, ഷമീർ തളിക്കുളം, മുഹമ്മദ് കുട്ടി, സംസം പ്രസിഡൻ്റ് എൻ.ഐ. സിദ്ദിഖ്, സംസം സെക്രട്ടറി കെ.കെ. സലിം, ട്രഷറർ ഷാനവാസ് പാലക്കൽ, മുഹമ്മദ് കുട്ടി പാലക്കൽ, അബ്ദുൾ ജബ്ബാർ അൻവരി, അബ്ദുൾ റഷീദ് എന്നിവർ പ്രസംഗിച്ചു.
ഇരിങ്ങാലക്കുട : മുകുന്ദപുരം, കൊടുങ്ങല്ലൂർ സർക്കിൾ സഹകരണ യൂണിയനുകളുടെ നേതൃത്വത്തിൽ ഇരിങ്ങാലക്കുടയിൽ തെയ്യത്തിന്റെയും, ചെണ്ടമേളത്തിന്റെയും അകമ്പടിയോടെ വർണശബളമായ “സഹകരണ എക്സ്പോ 2025” വിളംബരജാഥ അരങ്ങേറി.
സംസ്ഥാന സഹകരണ യൂണിയൻ ഭരണസമിതി അംഗം ലളിത ചന്ദ്രശേഖരൻ, കൊടുങ്ങല്ലൂർ സർക്കിൾ സഹകരണ യൂണിയൻ ചെയർമാൻ അഡ്വ. എം. ബിജുകുമാറിന് സഹകരണ പതാക കൈമാറി വിളംബര ജാഥ ഉദ്ഘാടനം ചെയ്തു.
മുകുന്ദപുരം സർക്കിൾ സഹകരണ യൂണിയൻ കൺവീനർ കെ.സി. ജെയിംസ് അധ്യക്ഷത വഹിച്ചു.
മുകുന്ദപുരം സർക്കിൾ സഹകരണ യൂണിയൻ അഡ്മിനിസ്ട്രേറ്റീവ് കമ്മിറ്റി അംഗം എ.എസ്. ജിനി ആശംസകൾ നേർന്നു.
സർക്കിൾ സഹകരണ യൂണിയൻ സെക്രട്ടറിയും അസിസ്റ്റന്റ് രജിസ്ട്രാറുമായ എസ്. സുരേഷ് സ്വാഗതവും ചാലക്കുടി അസിസ്റ്റന്റ് രജിസ്ട്രാർ എ.ജെ. രാജി നന്ദിയും പറഞ്ഞു.
മുകുന്ദപുരം, ചാലക്കുടി, കൊടുങ്ങല്ലൂർ താലൂക്കുകളിലെ 1000ത്തിലധികം സഹകാരികൾ വിളംബര ജാഥയിൽ പങ്കെടുത്തു.
ഇരിങ്ങാലക്കുട കുട്ടൻകുളം പരിസരത്തുനിന്ന് ആരംഭിച്ച ജാഥ പൂതംകുളം മൈതാനത്ത് അവസാനിച്ചു.
ഇരിങ്ങാലക്കുട : ആംബുലൻസ് ഓണേഴ്സ് & ഡ്രൈവേഴ്സ് ഇരിങ്ങാലക്കുട സോണൽ ജനറൽ ബോഡി യോഗം പ്രിയ ഹാളിൽ വെച്ച് നടന്നു.
സോണൽ പ്രസിഡൻ്റ് ഷജീർ കൊടകരപറമ്പിൽ അധ്യക്ഷത വഹിച്ചു.
ജില്ലാ പ്രസിഡന്റ് സുഷീൽ മണാറുകാവിൽ ഉദ്ഘാടനം നിർവ്വഹിച്ചു.
വയനാട് ദുരന്തത്തിൽ രക്ഷാപ്രവർത്തനത്തിൽ പങ്കെടുത്ത കെ.എ. അനിലിനെ യോഗത്തിൽ ആദരിച്ചു.
സോണൽ സെക്രട്ടറി അനൂപ് കരുവന്നൂർ സ്വാഗതവും ജോജു നന്ദിയും പറഞ്ഞു.
ഇരിങ്ങാലക്കുട : ജി.എസ്.ടി. നിയമത്തിൽ സെക്ഷൻ 128 എ പ്രകാരം സർക്കാർ പുറപ്പെടുവിച്ച സമാശ്വാസ പദ്ധതിയുടെ (ആംനസ്റ്റി സ്ക്കീം) കാലാവധി ജൂൺ 30 വരെ നീട്ടണമെന്ന് കേരള ടാക്സ് പ്രാക്ടീഷണേഴ്സ് അസോസിയേഷൻ മേഖലാ സമ്മേളനം കേന്ദ്ര സർക്കാരിനോട് ആവശ്യപ്പെട്ടു.
മാർച്ച് 30ന് അവസാനിച്ച ഈ പദ്ധതിയുടെ ആനുകൂല്യം സാമ്പത്തിക മാന്ദ്യം അനുഭവിക്കുന്ന വ്യാപാര മേഖലയിലുള്ളവർക്ക് ഉപയോഗപ്രദമാക്കാൻ കഴിയാത്ത സാഹചര്യമാണ് നിലവിലുള്ളതെന്നും യോഗം ചൂണ്ടിക്കാട്ടി.
യോഗത്തിൽ പി.ആർ. രമേഷ് ബാബു അധ്യക്ഷത വഹിച്ചു.
കെ.ടി.പി.എ. സംസ്ഥാന എക്സിക്യൂട്ടീവ് അംഗം സി.എ. ബിജു സമ്മേളനം ഉദ്ഘാടനം ചെയ്തു.
ഭാരവാഹികളായ ജില്ലാ സെക്രട്ടറി ഫ്രാൻസൺ മൈക്കിൾ, പ്രസിഡന്റ് അഡ്വ. പി. ഉണ്ണികൃഷ്ണൻ, പി.ഡി. സൈമൺ, കെ.ആർ. മുരളീധരൻ, പി.എസ്. വിത്സൻ, വി. രതീഷ്, സുഷമ മോഹൻ, ഹിത പൗലോസ് എന്നിവർ പ്രസംഗിച്ചു.
പുതിയ ഭാരവാഹികളായി
കെ.ആർ. മുരളീധരൻ (പ്രസിഡന്റ്), പി.എസ്. രമേഷ് ബാബു (സെക്രട്ടറി),
വി. രതീഷ് (ട്രഷറർ) എന്നിവരെ തിരഞ്ഞെടുത്തു.
ഇരിങ്ങാലക്കുട : ഓപ്പറേഷൻ ഡി ഹണ്ടിന്റെ ഭാഗമായി തൃശ്ശൂർ റൂറൽ ജില്ലയിലെ മതിലകം പൊലീസ് സ്റ്റേഷൻ പരിധിയിൽ നടത്തിയ പരിശോധനയിൽ 2.58 ഗ്രാം എം.ഡി.എം.എ.യുമായി മതിലകം പുളിഞ്ചോട് അയ്യങ്കാളി റോഡിൽ വച്ച് പടിയൂർ മുഞ്ഞനാട് മലയാമ്പള്ളം വീട്ടിൽ മുഹമ്മദ് ബഷീർ (29) പിടിയിലായി.
മയക്കുമരുന്ന് വിൽപ്പന നടത്തുന്നുവെന്ന രഹസ്യവിവരം തൃശൂർ റൂറൽ ജില്ലാ പൊലീസ് മേധാവി ബി. കൃഷ്ണകുമാർ ഐപിഎസിന് ലഭിച്ചതിനെ തുടർന്ന് തൃശൂർ റൂറൽ ജില്ലാ ഡാൻസാഫ് ടീമും, മതിലകം പൊലീസ് സ്റ്റേഷൻ സംഘവും ചേർന്ന് നടത്തിയ പരിശോധനയിലാണ് പ്രതിയെ പിടികൂടിയത്.
ബഷീർ സഞ്ചരിച്ചിരുന്ന മോട്ടോർ സൈക്കിളിനെ പൊലീസ് പിന്തുടർന്ന് തടയുകയും തുടർന്ന് നടത്തിയ ദേഹപരിശോധനയിൽ പാന്റ്സിന്റെ പോക്കറ്റിൽ നിന്നു പ്ലാസ്റ്റിക് കവറിൽ പൊതിഞ്ഞ നിലയിൽ എം.ഡി.എം.എ. കണ്ടെടുക്കുകയുമായിരുന്നു.
മതിലകം പൊലീസ് സ്റ്റേഷൻ ഇൻസ്പെക്ടർ എം.കെ. ഷാജി, സബ് ഇൻസ്പെക്ടർ രമ്യ കാർത്തികേയൻ, പ്രൊബേഷൻ സബ് ഇൻസ്പെക്ടർ അനു ജോസ്, എ.എസ്.ഐ. പ്രജീഷ്, സിവിൽ പൊലീസ് ഓഫീസർ അജീഷ്, തൃശൂർ റൂറൽ ജില്ലാ ഡാൻസാഫ് അംഗങ്ങളായ സബ് ഇൻസ്പെക്ടർ പ്രദീപ്, എ.എസ്.ഐ. ലിജു, സിവിൽ പൊലീസ് ഓഫീസർമാരായ ബിജു, നിശാന്ത് എന്നിവർ ചേർന്നാണ് ബഷീറിനെ പിടികൂടിയത്.
ഇരിങ്ങാലക്കുട : കൂടൽമാണിക്യം ക്ഷേത്രത്തിൽ എല്ലാവർഷവും നടത്തിവരാറുള്ള താമരക്കഞ്ഞി വഴിപാട് ഏപ്രിൽ 13ന് രാവിലെ 11 മണിക്ക് നടത്തുമെന്ന് സംഘാടകസമിതി അറിയിച്ചു.
ക്ഷേത്രത്തിലെ തെക്കേ ഊട്ടുപുരയിലാണ് താമരക്കഞ്ഞി വിതരണം നടക്കുക.
ഇരിങ്ങാലക്കുട : ആൽഫ പാലിയേറ്റീവ് കെയർ വെള്ളാങ്ങല്ലൂർ ലിങ്ക് സെൻ്റർ ഈദ് ഫെസ്റ്റും സ്നേഹ സ്പർശം, കാരുണ്യ സ്പർശം എന്നീ ഡോക്യുമെന്ററികളുടെ പ്രകാശനവും ചാപ്പാറ ഗ്രീൻലിയ ട്രീ റിസോർട്ടിൽ നടന്നു.
അഭിനേതാവ് ബിനു അടിമാലി ഉദ്ഘാടനം നിർവ്വഹിച്ചു.
ആക്റ്റിങ് പ്രസിഡന്റ് ഷഫീർ കാരുമാത്ര അധ്യക്ഷത വഹിച്ചു.
സംവിധായകൻ ആര്യൻ വിജയ്, സിനിമാതാരം അശ്വതി എന്നിവർ മുഖ്യാതിഥികളായി.
916 കുഞ്ഞൂട്ടൻസ് സിനിമയിലെ താരങ്ങളായ ഷാൻ, ദീപക്ക്, നിഹാര ലക്ഷ്മി, ഷാനവാസ്, കബീർ, ദിനേശൻ എന്നിവർക്ക് സ്നേഹാദരം നൽകി.
ഡോ. ആമിന മജീദ്, പി.എം.എ. ഖാദർ എന്നിവർ പ്രസംഗിച്ചു.
സെക്രട്ടറി മെഹർബാൻ ഷിഹാബ് സ്വാഗതവും ജെമി സിജോ നന്ദിയും പറഞ്ഞു.
തുടർന്ന് പുനർജ്ജനി പുലരി ക്ലബ്ബ്, സ്റ്റാഫ് ആൻഡ് കമ്മറ്റി അംഗങ്ങളായ അനൂപ് അശോകൻ, ഹസീന ഷംസുദ്ദീൻ, ടി.കെ. അബ്ദുൽ, ഹസീന സലാം, ഫാത്തിമ ഷക്കൂർ, ശശി എന്നിവർ അവതരിപ്പിച്ച വിവിധ കലാപരിപാടികൾ അരങ്ങേറി.
ഇരിങ്ങാലക്കുട : സമഗ്ര ശിക്ഷ കേരള ഇരിങ്ങാലക്കുട ബി.ആർ.സി. ഓട്ടിസം സെന്ററിൽ വിഷു ആഘോഷം നടത്തി.
ബി.പി.സി സത്യപാലൻ കുട്ടികൾക്ക് വിഷുക്കൈനീട്ടം നൽകി.
സ്പെഷ്യൽ എഡ്യൂക്കേറ്റർമാരായ ആതിര രവീന്ദ്രൻ, നിഷ പോൾ, വത്സല സുഗതൻ എന്നിവർ പരിപാടികൾക്ക് നേതൃത്വം നൽകി.
സി.ആർ.സി.സി. കോർഡിനേറ്റർമാർ, സ്പെഷ്യൽ എഡ്യൂക്കേറ്റർമാർ, ഓഫീസ് സ്റ്റാഫുകൾ തുടങ്ങിയവർ പരിപാടിയിൽ പങ്കെടുത്തു.
സുനിൽകുമാർ
ഇരിങ്ങാലക്കുട : പുല്ലൂർ തുറവൻകാട് പഴയേടത്ത് പറമ്പിൽ നാരായണൻ മകൻ സുനിൽകുമാർ (47) നിര്യാതനായി.
സംസ്കാരം നടത്തി.
അമ്മ : തങ്ക
ഭാര്യ : ഷൈജ
മകൾ : ദേവിക
