ഇരിങ്ങാലക്കുട : കേരളത്തിലെ വിദ്യാഭ്യാസ രംഗത്തോടും സാമ്പത്തിക രംഗത്തോടുമുള്ള കേന്ദ്ര അവഗണനയിൽ പ്രതിഷേധിച്ച് കെ എസ് ടി എ വിദ്യാഭ്യാസ ജില്ലാ കേന്ദ്രങ്ങളിൽ മാർച്ചും ധർണ്ണയും നടത്തി.
ഇരിങ്ങാലക്കുട എൽ ഐ സി ഓഫീസിനു മുൻപിൽ നടത്തിയ ധർണ്ണ സംസ്ഥാന എക്സിക്യൂട്ടീവ് അംഗം സി എ നസീർ ഉദ്ഘാടനം ചെയ്തു.
ജില്ലാ വൈസ് പ്രസിഡൻറ് ടി വി വിനോദിനി അധ്യക്ഷത വഹിച്ചു.
സംസ്ഥാന കമ്മിറ്റി അംഗങ്ങളായ ദീപാ ആൻറണി, ഡോ പി സി സിജി, കെ എസ് ഇ പി ഇ യു ജില്ലാ പ്രസിഡൻറ് പി എസ് സജില എന്നിവർ സംസാരിച്ചു.
ജില്ലാ ജോയിന്റ് സെക്രട്ടറിമാരായ ടി എസ് സജീവൻ സ്വാഗതവും സജി പോൾസൺ നന്ദി പറഞ്ഞു.
