ഇരിങ്ങാലക്കുട : വർഷങ്ങളായി തകർന്നു കിടക്കുന്ന കാറളം സൗത്ത് ബണ്ട് റോഡ് പൂർണമായും റീ ടാർ ചെയ്യണമെന്ന് സിപിഐ കാറളം കിഴക്കുമുറി ബ്രാഞ്ച് യോഗം അധികാരികളോട് ആവശ്യപ്പെട്ടു.
വലിയ പാലം മുതൽ കാറളം ആലുംപറമ്പ് വരെ 4 കിലോമീറ്റർ റോഡ് റീ ടാർ ചെയ്യാൻ ഇറിഗേഷൻ വകുപ്പ് എസ്റ്റിമേറ്റ് എടുത്തത് 3 കിലോമീറ്റർ മാത്രമാണ്.
വാട്ടർ അതോറിറ്റി പൈപ്പിടാൻ കുഴിച്ച റോഡ് വർഷങ്ങളായി സഞ്ചാരയോഗ്യവുമല്ല.
ആലുക്കകടവ് മുതൽ ആലുംപറമ്പ് വരെ ഒരു കിലോമീറ്റർ റോഡിനെ അവഗണിച്ച ഇറിഗേഷൻ വകുപ്പ് അധികാരികളുടെ ധിക്കാരം അവസാനിപ്പിക്കണമെന്നും ഇരിങ്ങാലക്കുട എംഎൽഎ വിഷയത്തിൽ ഇടപ്പെട്ട് പരിഹാരം കണ്ടെത്തണമെന്നും ബ്രാഞ്ച് യോഗം ആവശ്യപ്പെട്ടു.
ബിന്ദു പ്രദീപ് അധ്യക്ഷത വഹിച്ചു.
മോഹനൻ വലിയാട്ടിൽ, ടി എ ദിവാകരൻ, റോയ് ജേർജ് എന്നിവർ പ്രസംഗിച്ചു.
